Алишер Пайгамов ПА Ташқи алоқалар департаменти бошлиғи лавозимидан кетди
Бу ҳақда давлат раҳбари матбуот котиби Шерзод Асадов маълум қилди. Унинг янги лавозимига аниқлик киритилмади.
Департамент бошлиғи лавозимига аввал ПА бош инспектори лавозимида ишлаган Умурзаков Сардорбек Улуғбекович тайинланди.
Аксарият интернет нашрларида янги лавозимга ПА собиқ раҳбари, президентнинг махсус вазифалар бўйича маслаҳатчиси бўлган, ҳозирда президентнинг стратегик ривожланиш бўйича маслаҳатчиси Сардор Уктамович Умурзаков тайинлангани ҳақида нотўғри хабарлар тарқатилди.
Алишербек Пайгамов президент девонида сектор мудири лавозимида ишлаган. 2018 йил август ойида Президент ижроия аппарати Президент администрациясига айлантирилгач, у администрация раҳбари ўринбосари этиб тайинланган. У 2023 йил августида Президент девонининг Ташқи алоқалар департаменти бошлиғи бўлган.