Чиқиндиларни бошқариш ва циркуляр иқтисодиётни ривожлантириш агентлиги томонидан таълим йўлида яна бир хайрли ишга қўл урилгани эътиборимизни тортди. Кўпдан бери таъмирталаб ҳолатга келиб қолган Тошкент шаҳри Яшнабод тумани 215-сон умумтаълим мактабининг стадиони мукаммал таъмирдан чиқарилиб фойдаланишга топширилибди.
Сурхондарё вилоятининг Термиз туманида юқори тезликда ҳаракатланган «Cobalt» русумли автомобиль йўл четидаги ёритиш устунига бориб урилди. Автомобилни бошқарган ўсмирларнинг бири, 16 ёшли мактаб ўқувчиси олинган тан жароҳатлари оқибатида воқеа жойида вафот этди, яна бир ўқувчи эса оғир аҳволда шифохонага ётқизилди.
Ўзбекистон Республикаси Президентининг 2024 йил 4 январдаги тегишли фармони ижроси доирасида Чиқиндиларни бошқариш ва циркуляр иқтисодиётни ривожлантириш агентлиги томонидан Экология жамғармаси маблағлари ҳисобидан 100 дона велосипед республиканинг барча ҳудудларига тарқатилди. Ушбу мукофотлар чиқиндиларни йиғиш, ташиш, саралаш ва ҳудудларни ободонлаштириш соҳасида узоқ йиллардан бери фидокорона меҳнат қилаётган ходимларга топширилди.
Қирғизистон Президенти Садир Жапаров хорижда меҳнат қилаётган фуқароларни ватанга қайтишга чақирди. Қирғизистон ОАВларининг хабар беришича, давлат раҳбари бу ҳақда Баткен вилояти аҳолиси билан учрашувда маълум қилган.
Ўзбекистонлик «Евразия» халқаро мукофотининг саккиз нафар финалчиси саккизта номинация бўйича ғалаба учун курашади. 14 октябрь куни Москвада лойиҳаларнинг оффлайн ҳимояси бўлиб ўтади, 15 октябрда эса лауреатларнинг номлари эълон қилинади.
Ўзбекистонда маданият ва санъат соҳасидаги бир қатор ташкилотлар учун қарийб ўн йил муддатга кенг кўламли солиқ имтиёзлари жорий этилди. Бешта солиқни тўлашдан, жумладан, кинематография корхоналари, нодавлат театрлар ва болалар учун контент яратувчилар озод этилмоқда.
Ўзбекистонда сўнгги йилларда хотин-қизлар ва эркаклар тенглиги билан боғлиқ ҳуқуқий база сезиларли даражада кенгайди. Хотин-қизлар меҳнат, сиёсат, давлат хизмати ва зўравонликдан ҳимояланиш соҳаларида қўшимча кафолатларга эга бўлишди.
Ўзбекистон Республикаси Президенти Шавкат Мирзиёев 12 октябрь куни Туркман халқининг миллий етакчиси, Туркманистон Халқ Маслаҳати Раиси Гурбангули Бердимуҳамедов билан телефон орқали мулоқот ўтказди. Томонлар икки томонлама стратегик шерикликнинг ижобий динамикасини мамнуният билан қайд этиб, савдо ҳажмини ошириш, саноат кооперациясини кенгайтириш, энергетика, транспорт ва қишлоқ хўжалиги соҳаларида қўшма лойиҳаларни амалга ошириш масалаларини муҳокама қилдилар.
Президент Шавкат Мирзиёевнинг инвесторлар билан очиқ мулоқотида маълум қилинишича, Янги Тошкентда ҳудудлар тадбиркорларининг лойиҳалари учун 100 гектардан майдон ажратилади. Тошкент шаҳрининг ҳар бир туманига ҳам 100 гектардан ҳудуд бириктирилиб, дастлабки аукционларда фақат тегишли ҳудуд тадбиркорлари иштирок этади ва киритилган инвестициялар ўша ҳудуд кўрсаткичига ёзилади.
Uzbekistan Airways’нинг ички йўналишларида авиачипталар нархи 2026 йил 16 октябрдан ўртача 20 фоизгача пасайтирилади. Бу ҳақда Рақобат қўмитаси маълум қилди.
10 октябрь куни «FlyOne Asia» авиакомпаниясининг Намангандан Жидда шаҳрига учиб кетаётган рейси Саудия Арабистони аэропортларига қилинган оммавий ҳужумлар сабабли Мадина шаҳрига йўналтирилди. Айнан шу вақтда Ар-Риёд аэропортига берилган зарба оқибатида 12 киши ҳалок бўлди ва 309 киши тан жароҳати олди.
Volkswagen компанияси аккумуляторларнинг ёниб кетиш хавфи мавжудлиги сабабли АҚШда 22 500 дан ортиқ ID.4 электромобилларини қайтариб олишини эълон қилди. Муаммо 2023–2026 йилларда чиқарилган моделларга тегишли бўлиб, батареялар 80 фоиздан ортиқ қувватланганда ёнғин чиқиш хавфи юзага келмоқда.
Австриянинг «IMC Krems» амалий фанлар университети ҳамда Ўзбекистон Профессионал таълим агентлиги ўртасида кенг кўламли ҳамкорлик битими имзоланди. Келишувга кўра, Наманган ва Бухорода турисзм соҳаси учун малакали мутахассислар ҳамда ўқитувчиларни тайёрлашга ихтисослашган иккита марказ очилиши режалаштирилмоқда.
Президент Шавкат Мирзиёев Янги Тошкент қурилишини жадаллаштириш масалалари бўйича инвесторлар ва тадбиркорлар билан очиқ мулоқот ўтказмоқда. Давлат раҳбарининг сўзларига кўра, уч йил ичида лойиҳага 2 миллиард доллардан ортиқ маблағ ажратилди.
Тошкент шаҳрининг Юнусобод туманида 12 октябрь соат 09:00 дан 13 октябрь соат 15:00 гача сув таъминотида узилиш бўлади. Бу ҳақда сув тармоқларини куз-қиш мавсумига тайёрлаш ишлари муносабати билан хабар берилди.
Президент Шавкат Мирзиёев инвестор ва тадбиркорлар билан очиқ мулоқотда Янги Тошкентда бизнес ва хизмат кўрсатиш объектлари учун инфратузилма тўловлари камайтирилишини маълум қилди. Тўловнинг базавий ставкаси савдо, сервис ва бизнес марказлари учун 3 баробар, меҳмонхона ва туризм объектлари учун 5 баробар, маданий ва кўнгилочар масканлар учун 10 баробар камайтирилади.
Айни вақтда Қамчиқ довонида ёмғир ёғмоқда. Йўлнинг айрим қисмларида қуюқ туман туфайли кўриш масофаси қисқарган.
Қонунчиликка кўра, мотоцикл, электромотоцикл, мопед, скутер ва кичик ҳажмли мототранспорт воситалари ҳайдовчилари ҳамда йўловчилари махсус мотошлем кийиши ва уни маҳкамлаб олиши шарт. Ўзбекистон Республикаси Вазирлар Маҳкамасининг қарори, 12.04.2022 йилдаги 172-сон 9-бандининг 2-қисмида «Мотоцикл, электромотоцикл, мопед ва скутерда, шунингдек, кичик ҳажмдаги мототранспорт воситаларида ҳаракатланаётган ҳайдовчи ҳамда йўловчилар махсус мотошлем кийишлари ва уни қадаб олишлари шарт.» — деб такидланади.
Миллий статистика қўмитаси маълумотларига кўра, 2026 йил январь–август ойларида кўчмас мулк билан боғлиқ хизматлар ҳажми 22,3 трлн сўмга етган. Бу кўрсаткич ўтган йилнинг мос даврига нисбатан 13,8 % га ўсган.
Хорижий ОТМ филиаллари ва нодавлат олий таълим муассасалари талабалари учун давлат гранти танловига аризалар 10–17 октябрь кунлари my.uzbmb.uz сайти орқали қабул қилинади. Танловда давлат гранти квоталари ажратилган таълим соҳаларида бакалавриатнинг кундузги таълим шаклида ўқиётган талабалар иштирок этиши мумкин.
Халқаро GetYourGuide платформасида Ўзбекистоннинг туристик маҳсулотлари сони 150 тадан ошди. Туризм қўмитаси кўмагида гастрономик турлардан ташқари ҳунармандчилик, маданий мерос ва маҳаллий ҳаёт билан таништирувчи саёҳатлар ҳам жойлаштирилмоқда.
Ўзбекистон Ташқи ишлар вазирлиги Ар-Риёддаги Подшоҳ Холид номидаги халқаро аэропортга ҳусийлар томонидан амалга оширилган, инсонлар ҳалок бўлиши ва тинч аҳоли вакиллари жароҳатланишига олиб келган ҳужумни қатъий қоралади. Вазирлик ҳалок бўлганларнинг яқинларига ҳамдардлик билдириб, жабрланганларнинг тезроқ соғайиб кетишини тилади.
Саудия Арабистонининг Ар-Риёд шаҳридаги Қирол Холид номидаги халқаро аэропортга ракетa зарбаси берилиши натижасида камида 12 киши ҳалок бўлди, 309 нафар инсон турли тан жароҳатларини олди. Дипломатик манбаларга таяниб тарқатилган маълумотларга кўра, мазкур ҳужум учун масъулият яманлик ҳусийлар зиммасига юкланган.
Москва шаҳрининг жанубидаги супермаркетларнинг бирида маҳсулот ҳақини тўламасдан чиқиб кетмоқчи бўлган 11 ёшли мактаб ўқувчисига нисбатан зўравонлик ҳаракатларини содир этган қўриқчи қўлга олинди. Аниқланишича, Ўзбекистон фуқароси бўлган 24 ёшли қўриқчи боланинг рюкзагида тўланмаган ширинлик ва ичимликларни аниқлаб, уни полиция ҳамда катта миқдордаги жарима билан қўрқитган ва ҳожатхонада ғайриқонуний ҳаракатларни амалга оширган.
Давлат хавфсизлик хизматининг Тошкент шаҳар бўйича бошқармаси ва шаҳар ИИББ ходимлари ҳамкорлигида ўтказилган тезкор тадбирда Юнусобод туманидаги «Уч қаҳрамон» ЙПХ масканида тўхтаatlib текширилган «Spark» русумли автомашинада йўловчи сифатида кетаётган Сурхондарё вилоятида туғилган шахсдан 365 грамм «Мефедрон» синтетик гиёҳвандлик моддаси топилди. Тезкор тадбир давом эттирилиб, унинг Тошкент туманидаги вақтинчалик яшаш хонадони кўздан кечирилганда, у ердан ҳам қўшимча равишда 734 грамм «Мефедрон», 63 грамм «Альфа-PVP», 45 грамм «Спайс», шунингдек, электрон тарозилар ва қадоқлаш воситалари ашёвий далил сифатида олиб қўйилди.
Қўшма Штатлар Президенти Дональд Трамп Атлантик ёки Тинч океанини «Трамп океани» ёки «Америка океани» деб қайта номлашни хоҳлашини билдирди. «Мен лавозимимни тарк этгунимга қадар биз буни қилишимиз керак», — деди АҚШ етакчиси.
Яқин Шарқдаги вазият кескинлашгани фонида Uzbekistan Airways 11 октябрь ҳолатига кўра Тошкент — Жидда — Тошкент ва Тошкент — Мадина — Тошкент йўналишларидаги рейслар жадвал асосида бажарилаётганини тасдиқлади. Авиакомпания минтақадаги вазиятни кузатиб боришни давом эттирмоқда.
Ўзбекистонда «Яндекс Go» иловасининг фаолиятида кенг кўламли узилиш қайд этилди. Фойдаланувчилар такси чақириш имконсизлиги ҳамда геолокацияни аниқлашда муаммолар юзага келаётганини хабар қилмоқда.
Самарқандга қилган ташрифидан сўнг блогер Тошкентга қайтди. Унинг Самарқанддаги бўлиш вақтида мухлислар тўдаси йиғилди, тасвирга олиш гуруҳи эса одамларнинг кўплиги сабабли қийинчиликларга дуч келди.
Ўзбекистонлик Амина Маҳмудова «Татар қиз – 2026» халқаро танловининг ғолибига айланди. Танлов финали Туркманистоннинг Туркманбоши шаҳрида бўлиб ўтди.