Ўзбекистон Эронда тинч аҳоли орасида қурбонлар бўлгани муносабати билан таъзия билдирди
«Сўнгги воқеалар оқибатида тинч аҳоли орасида қурбонлар бўлгани муносабати билан таъзия изҳор этиб, жабрланган оилаларга нисбатан ҳамдардлигимизни билдирдик», — деб ёзди Саидов ўзининг Telegram каналида.
Вазирлар минтақадаги вазиятни муҳокама қилгани, ҳар қандай кейинги кескинлашув жиддий гуманитар ва хавфсизлик оқибатларига олиб келиши мумкинлигини қайд этгани таъкидланди.
«Барча келишмовчилик ва низолар фақат тинч йўл билан — мулоқот ва дипломатия орқали ҳал этилиши лозимлиги ҳақидаги қатъий ва изчил позициямизни яна бир бор тасдиқладик», — дейди ТИВ раҳбари.
Эрон Қизил ярим ой жамияти маълумотларига кўра, АҚШ ва Исроил ҳужумлари оқибатида 555 киши ҳалок бўлди. Эрон давлат ОАВларига кўра, Минаб шаҳридаги қизлар бошланғич мактабига берилган зарба оқибатида камида 165 киши ҳаётдан кўз юмган.
Аввалроқ Бахтиёр Саидов Яқин Шарқ мамлакатларидаги — Қатар, Кувайт, Ўмон, Иордания, Баҳрайн ва БААдаги ҳамкасблари билан телефон орқали мулоқот қилган. У ҳамкасблари билан минтақадаги вазият ҳақида гаплашиб, Шавкат Мирзиёевнинг қўллаб-қувватлаш ҳамда бирдамлик сўзларини етказган.
- Шавкат Мирзиёев Эрон олий раҳбари Али Хоманаий вафоти муносабат билан мамлакат президенти Масъуд Пезешкиёнга ҳамдардлик йўллаганди. «Ўзбекистон ва Эрон ўртасидаги кенг қамровли ҳамкорликни ривожлантиришга улкан ҳисса қўшган кишининг ёрқин хотираси қалбларда доимий сақланиб колади», — дейилган мактубда.
- Ўзбекистон, бундан ташқари, ТИВ Яқин Шарқда вазиятнинг кескин равишда таранглашуви ва минтақада янги зиддиятли ҳолат юзага келганидан жиддий хавотирда эканини билдирган.