Теннис. Синнер Федерернинг натижасини такрорлади

«Катта дубулға» туркумидаги турнирларнинг тўрт карра ғолиби, дунёнинг биринчи рақамли ракеткаси, италиялик Янник Синнер «Мастерс» сериясига кирувчи тўққизта турнирнинг саккизтасида зафар қучди. У ушбу тоифадаги мусобақаларда швейцариялик Рожер Федерернинг натижасини такрорлади.

Барча «ATP — 1000» турнирлари бош совринини қўлга киритиш ҳозирча фақат сербиялик Новак Жоковичга насиб этган, у бу ишни икки марта амалга оширган.

Синнер фаолияти давомида Индиан-Уэллс, Монте-Карло, Торонто, Цинциннати, Шанхай, Париж ва икки бор Майами турнирларида чемпионликни қўлга киритган.