Баҳодир Жалолов профессионал боксдаги 18-ғалабасини тантана қилди

Англиянинг Манчестер шаҳри мезбонлик қилаган профессионал бокс оқшомида ўзбекистонлик оғир вазнли чарм қўлқоп устаси Баҳодир Жалолов навбатдаги жангини ўтказди.

«Cо-Оп Live Arena» мажмуасида кечган баҳсда ҳамюртимизга хорватиялик Агрон Смакичи рақиблик қилди. 10 раундга мўлжалланган жанг кутилганидан эртароқ якунланди.

Беллашувнинг дастлабки дақиқалариданоқ устунликни ўз қўлига олган Жалолов 7-раундда рақибига бир қатор кучли ва аниқ зарбалар йўллади. Натижада, Смакичи олган жароҳатлари ва чарчоқ сабабли 8-раундга чиқишдан бош тортди.

Шу тариқа, ҳакамлар Баҳодир Жалоловнинг техник нокаут эвазига ғалаба қозонганини қайд этишди. Бу ғалаба Жалолов учун профессионал рингдаги 18-муваффақият бўлди.

Манба: www.stadion.uz.