[ madaniyat ] 10 May 2026
Рахматулла Джаббаровга «Ўзбекистон Республикасида хизмат кўрсатган ёшлар мураббийси» фахрий унвони берилди
Мукофот давлат органлари ва жамоат ташкилотларидаги кўп йиллик самарали фаолияти, мамлакатда миллатлараро тотувлик ва дўстликни мустаҳкамлашга қўшган ҳиссаси учун берилди.
Қайд этилишича, Рахматулла Джаббаров турли миллат ва элат вакиллари ўртасида меҳр-оқибат, ҳамжиҳатлик, ўзаро ҳурмат ва бағрикенглик ғояларини тарғиб қилиш, миллий маданиятлар, урф-одат ва анъаналарни ривожлантириш йўлида фаол иштирок этиб келмоқда.
Шунингдек, унинг ёш авлодни Ватанга муҳаббат ва садоқат, умуминсоний қадриятларга ҳурмат руҳида тарбиялаш борасидаги хизматлари ҳам алоҳида эътироф этилди.
Фахрий унвон Рахматулла Джаббаровнинг 75 йиллиги муносабати билан ҳам топширилди.