Москова вилоятида ўзбекистонлик гумонланувчи қамоққа олинди
Маълумотларга кўра, ҳодиса 14 май куни кечқурун Наро-Фоминск шаҳар округидаги «Николины сады» коттеж шаҳарчасида содир бўлган. Гумонланувчи йўлда кетаётиб, икки қиз билан учрашган ва қўлтиғидан пичоқ чиқариб, уларни қўрқитган. Болалардан бири қочиб кетишга улгурган, иккинчиси эса шу жойнинг ўзида қолган.
Шу пайтда гумонланувчи қиз болага пичоқ билан тан жароҳати етказган ва воқеа жойидан қочиб кетган.
Ҳуқуқ-тартибот органлари уни тезкорлик билан қидирувга олган ва кейинчалик қўлга олинган. Суд томонидан унга нисбатан эҳтиёт чораси сифатида икки ой муддатга қамоққа олиш тўғрисида қарор чиқарилган. У қамоқда 2026 йил 14 июлга қадар сақланади.
Москов вилояти прокуратураси маълум қилишича, жабрланувчи қиз бола юзи — икки ён ва чакка қисмида кесилган жароҳатлар олган. Шифокорларнинг ўз вақтида аралашуви ва ота-онанинг тез етиб келиши туфайли оғир оқибатларнинг олди олинган.
Ҳозирда ҳуқуқ-тартибот идоралари томонидан иш бўйича тергов ҳаракатлари давом эттирилмоқда, воқеанинг барча ҳолатлари ўрганилмоқда.