16 май учун об-ҳаво прогнози

16 май куни мамлакат ҳудудининг асосий қисмида кундуз вақтида кўпроқ қуруқ ва барқарор об-ҳаво сақланиб туради.

Айрим ҳудудларда эса ноқулай об-ҳаво кузатилиши мумкин.

Жумладан, Тошкент, Жиззах ва Сирдарё вилоятларида куннинг иккинчи ярмида баъзи жойларда қисқа муддатли ёмғир ва момақалдироқ кузатилиши эҳтимоли бор.

Шамол шарқдан 7–12 м/с тезликда эсади, шимолий ҳудудларда баъзан 13–18 м/с гача кучайиши, қум-тўзонли ҳолатлар кузатилиши мумкин. Ҳаво ҳарорати 30–35 даража атрофида бўлади.

Тошкент шаҳрида кечга яқин қисқа муддатли ёмғир ёғиши ва момақалдироқ бўлиши эҳтимоли мавжуд. Шамол шарқдан 3–8 м/с, баъзан 10–12 м/с гача кучайиши мумкин. Ҳарорат 32–34 даражани ташкил этади.

Тоғ ва тоғолди ҳудудларда қисқа муддатли ёмғир ва момақалдироқ кузатилади. Айрим жойларда сел ва сув тошқини каби хавфли ҳодисалар эҳтимоли ҳам мавжуд. Бу ҳудудларда шамол шарқдан 7–12 м/с, момақалдироқ вақтида 15–20 м/с гача кучайиши мумкин. Ҳаво ҳарорати 20–25 даража атрофида бўлади.