АҚШнинг Фоксборо шаҳридаги «Бостон» стадионида бўлиб ўтган баҳснинг асосий вақти 1:1 ҳисобида якунланди. Биринчи бўлимнинг 42-дақиқасида Парагвай ҳужумчиси Хулио Энсисо ҳисобни очган бўлса, танаффусдан сўнг Кай Ҳаверц аниқ зарба билан мувозанатни тиклади.

Қўшимча бўлимларда ҳам ғолиб номи аниқланмади. Биринчи экстра-тайм охирида Германия ҳимоячиси Йонатан Та киритган гол ҳакам томонидан дарвозабонга нисбатан қоидабузарлик қайд этилгани сабабли бекор қилинди.

Ғолиб пенальтилар сериясида аниқланди. Унда Парагвай футболчилари 4:3 ҳисобида устун келиб, 1/8 финал йўлланмасини қўлга киритди.

Шу тариқа, Германия терма жамоаси плей-оффнинг илк босқичидаёқ жаҳон чемпионати билан хайрлашди. Парагвай эса мусобақадаги иштирокини давом эттириб, кейинги босқичга йўл олди.