Футбол бўйича 2026 йилги Жаҳон чемпионатининг 1/16 финал баҳсида АҚШ терма жамоаси Босния ва Герцеговина устидан ишончли ғалабага эришди. Калифорния штатидаги Санта-Клара шаҳрида бўлиб ўтган учрашув 2:0 ҳисобида мезбонлар фойдасига ҳал бўлди.

Ҳисоб учрашувнинг биринчи бўлимига қўшиб берилган вақтда очилди. АҚШ ҳужумчиси Фоларин Балогун рақиб дарвозасини ишғол қилиб, жамоасини олдинга олиб чиқди.

Иккинчи бўлим ўрталарида Балогун қўпол қоидабузарлик учун қизил карточка олиб, майдонни тарк этди. Бир нафар кам бўлиб қолганига қарамай, америкаликлар устунликни сақлаб қолди.

82-дақиқада ярим ҳимоячи Малик Тиллман жарима зарбасини бевосита голга айлантириб, учрашувга нуқта қўйди.

Учрашув давомида АҚШ терма жамоаси яна икки марта рақиб дарвозасини ишғол қилди. Бироқ Фоларин Балогун ва жамоа сардори Кристиан Пулишич киритган голлар офсайд сабабли бекор қилинди.

Ушбу ғалаба орқали АҚШ терма жамоаси Жаҳон чемпионатининг 1/8 финалига йўлланма олди. Кейинги босқичда америкаликлар Бельгия терма жамоасига қарши баҳс олиб боради.