ЖЧ-2026: Испания Австрияни мағлуб этиб, 1/8 финалига чиқди

Футбол бўйича 2026 йилги Жаҳон чемпионатининг 1/16 финалида Испания терма жамоаси Австрияни йирик ҳисобда мағлуб этиб, мусобақанинг кейинги босқичига йўл олди.

АҚШнинг Инглвуд шаҳридаги «Соу-Фай» стадионида ўтказилган баҳс испанияликларнинг 3:0 ҳисобидаги ишончли ғалабаси билан якунланди.

Учрашув қаҳрамони Микель Оярсабаль бўлди. У икки марта рақиб дарвозасини ишғол қилди ва ҳар икки голга ҳам Марк Кукурелья ассистентлик қилди.

Испаниянинг учинчи голига эса ҳимоячи Педро Порро муаллифлик қилди. У Алекс Баэна узатган тўпни аниқ зарба билан дарвозага йўллади.

Ушбу ғалаба орқали Испания терма жамоаси Жаҳон чемпионатининг 1/8 финалига чиқди. Кейинги босқичда испанияликлар Португалия ва Хорватия терма жамоалари ўртасидаги учрашув ғолиби билан баҳс олиб боради.