Ист-Ратерфорд шаҳрида бўлиб ўтган баҳснинг ҳал қилувчи қаҳрамони Эрлинг Холанд бўлди. Ҳужумчи учрашувнинг сўнгги дақиқаларида иккита гол муаллифига айланди. Ҳар икки голга ҳам Андреас Шельдеруп ассистентлик қилди.

Бразилия учрашув давомида ҳисобни қисқартиришга эришди. Қўшимча вақтнинг ўнинчи дақиқасида Неймар пенальтини аниқ амалга ошириб, якуний ҳисобни 2:1 кўринишига келтирди.

Бразилия биринчи бўлимда ҳам пенальти ишлаш имкониятига эга бўлган эди. Бироқ Бруно Гимарайнснинг зарбасини норвегиялик дарвозабон Эрьян Нюланд қайтариб, жамоасини голдан қутқарди.

Ушбу ғалаба орқали Норвегия ўз тарихида илк бор Жаҳон чемпионатининг чорак финалига чиқди. Энди скандинавияликлар ярим финал йўлланмаси учун Мексика ёки Англия терма жамоасига қарши майдонга тушади.

Шунингдек, Эрлинг Холанд ушбу баҳсдаги дублидан сўнг турнирдаги голлари сонини еттитага етказди. У мазкур кўрсаткич бўйича Килиан Мбаппе ва Лионель Месси билан биргаликда тўпурарлар рўйхатининг биринчи поғонасини эгаллаб турибди.