Криштиану Роналду сўнгги жаҳон чемпионатидаги иштирокини кўз ёшлари билан якунлади
Аввалроқ 41 ёшли ҳужумчи ЖЧ–2026 унинг фаолиятидаги сўнгги жаҳон чемпионати бўлишини маълум қилган эди. Бироқ у ҳозирча Португалия миллий терма жамоасидаги фаолиятини якунлаши ҳақида расмий баёнот бермаган.
Роналду ушбу мундиалда учта гол муаллифи бўлди. У гуруҳ босқичида Ўзбекистон дарвозасига икки марта йўл топган бўлса, 1/16 финалда Хорватияга қарши баҳсда ҳам битта гол урди.
Шу билан бирга, португалиялик футболчи жаҳон чемпионатлари тарихида олтита мундиалда гол урган илк футболчи сифатида янги рекорд ўрнатди.
Криштиану Роналду фаолияти давомида Португалия билан Европа чемпионати–2016 ғолиблигини қўлга киритган ва икки марта УЕФА Миллатлар лигасида зафар қучган. Бироқ жаҳон чемпионати бош соврини унинг бой спортчилик фаолиятидаги ягона эришилмаган ютуқ бўлиб қолмоқда.