US Open: Ўзбекистонлик теннисчи дунёнинг 29-ракеткасини мусобақадан чиқариб юборди
Мусобақанинг асосий даврасида иштирок этаётган ҳамюртимиз Камилла Раҳимова, жаҳон рейтингида 92-поғонада бораётган ҳолда, биринчи босқичда дунёнинг 29-ракеткаси — чехиялик Барбора Крейчиковани сенсацион тарзда мағлубиятга учратди.
Тенг курашлар остида ўтган биринчи сетда Раҳимова тай-брейкда устун келиб, 7:6 ҳисобида ғалаба қозонди. Иккинчи сетда эса ҳамюртимиз ташаббусни тўлиқ ўз қўлига олди ва 6:2 ҳисобида зафар қучиб, учрашувни икки сетда ўз фойдасига ҳал қилди.
Шу тариқа, Камилла Раҳимова US Open мусобақасининг кейинги босқичига йўл олди.
Шунингдек, бугунги кечки дастурда яна бир теннисчимиз Мария Тимофеева ҳам кортга чиқади. Жаҳон рейтингида 86-ўринни эгаллаб турган Тимофеевага 149-поғонадаги словениялик Тамара Зиданшек рақиблик қилади.
Манба: Olympic.uz