Шахмат олимпиадаси. Бугун Ўзбекистон-1 эркаклар жамоаси Хитойга қарши баҳс олиб боради

Самарқанд шаҳрида ўтказилаётган 46-Бутунжаҳон шахмат олимпиадасида бугун, 23 сентябрь куни 7-тур баҳслари бўлиб ўтади.

Унда Ўзбекистоннинг асосий терма жамоаси Хитойга қарши дона суради.

6-турда Ўзбекистон Ҳиндистонни мағлуб этиб, очколар сонини 12 тага етказган ва якка пешқадамга айланиб олганди. Хитой терма жамоаси эса 6-турда мусобақани мағлубияциз давом эттираётган Германияни ишончли тарзда таслим этди. Ҳозирда Хитойда 11 очко мавжуд. Бугунги баҳс чемпионлик пойгасида улкан аҳамиятга эга.

Ўзбекистоннинг 2-терма жамоаси эса Францияга қарши дона суради. Барча беллашувлар соат 15:00да бошланади.

Асосий жуфтликлар:

Ўзбекистон — Хитой
Ўзбекистон — 2 — Франция
Ўзбекистон — 3 — Жанубий Африка
Арманистон — АҚШ
Англия — Ҳиндистон

Аёллар жамоаларимизнинг рақиблари:

Ўзбекистон — 1 (9 очко) — Словения (9 очко)
Ўзбекистон — 2 (8 очко) — Тожикистон (8 очко)
Ўзбекистон — 3 (8 очко) — Перу (8 очко)

Манба: daryo.uz