Дониёр Қодиров Сирдарё вилояти ҳокими вазифасини бажарувчи этиб тайинланди

Дониёр Бахтиёрович Қодиров Сирдарё вилояти ҳокими вазифасини бажарувчи этиб тайинланди. Бу ҳақда Президент матбуот котиби Шерзод Асадов маълум қилди. Тегишли фармонни Ўзбекистон президенти имзолаган.

Дониёр Қодиров 2025 йил июлидан Президент администрациясининг жамоат хавфсизлиги ва қонун устуворлиги масалалари департаменти раҳбари лавозимида ишлаб келаётганди. Унгача президентнинг ҳуқуқни муҳофаза қилувчи ва назорат органлари фаолиятини мувофиқлаштириш масалалари бўйича маслаҳатчиси бўлган.

Сирдарё вилоятининг аввалги ҳокими Эркинжон Турдимов яқинда Ўзбекистон бош вазирининг биринчи ўринбосари — таълим ва илм-фан вазири этиб тайинланганди.