Нилуфар Аллабергенова Тошкент шаҳри прокурори ўринбосари бўлди

Бош прокурор буйруғига асосан адлия катта маслаҳатчиси Нилуфар Анваровна Аллабергенова Тошкент шаҳри прокурори ўринбосари лавозимига тайинланди, дея хабар бермоқда идора матбуот хизмати.

Нилуфар Аллабергенова 1971 йилда Тошкент шаҳрида туғилган. 1995 йилда Тошкент давлат юридик институтини тамомлаган.

Турли йилларда пойтахтнинг Яшнабод, Чилонзор ва Мирзо Улуғбек туманлари прокурори ўринбосари, Яккасарой тумани прокурори лавозимларида ишлаган.

У 2023 йилнинг 9 октябридан буён Яккасарой туманига раҳбарлик қилиб келаётганди ва Тошкент туманларидан бирига ҳоким этиб тайинланган илк аёл бўлган.

Gazeta манбасининг хабар беришича, Аллабергенова ўрнини Сергели тумани ҳокимининг молия, иқтисодиёт ва камбағалликни қисқартириш масалалари бўйича биринчи ўринбосари лавозимида ишлаб келаётган Акмал Мурадович Жумабоев эгаллаши мумкин.