Алишер Кучиев президентнинг иқтисодий сиёсат бўйича маслаҳатчиси ўринбосари этиб тайинланди

Алишер Исматович Кучиев Ўзбекистон президентининг иқтисодий сиёсат бўйича маслаҳатчиси ўринбосари лавозимига тайинланди. Бу ҳақдаги фармойишни Президент администрацияси раҳбари Саида Мирзиёева имзолади, деб хабар берди давлат раҳбарининг матбуот котиби Шерзод Асадов.

Алишер Кучиев бунга қадар икки йилдан ортиқ вақт давомида Осиё инфратузилмавий инвестициялар банкида ишлаган (Россиядаги Иқтисодиёт олий мактаби, UPF Barcelona School of Management ва Luiss Business School битирувчиси).

Октябрь бошида Камолиддин Мардонов президентнинг иқтисодий сиёсат бўйича маслаҳатчиси этиб тайинланган эди.