Мукофотларни топшираркан, Шавкат Мирзиёев Эрдоғаннинг «туркий давлатлар мустақиллигини мустаҳкамлашдаги жонбозлиги»ни, Бердимуҳамедовнинг «ёш авлод тарбиясига катта ижобий таъсир кўрсаётган маърифий асарлари»ни қайд этиб ўтди. Марҳум адиб Чингиз Айтматов Алишер Навоий мукофоти билан тақдирланди.
ТДТ саммитида Қозоғистон президенти Қасим-Жомарт Тоқаев ташкилотнинг Рақамлаштириш марказини ташкил этиш таклифини илгари сурди. Тузилма савдо, транспорт, сув ресурсларидан фойдаланиш, ахборот хавфсизлиги ва бошқа тармоқлар учун зарур рақамли ечимларни ишлаб чиқиш имконини беради.
Ўзбекистон президенти ТДТ саммитида «сўнгги пайтларда жаҳоннинг турли нуқталаридаги зиддиятли воқеалар туркий дунёнинг умумий хавфсизлигига ҳам таъсир ўтказаяпти», дея таъкидлади. Бундан ташқари, Шавкат Мирзиёев Афғонистон масаласи ҳеч қачон назардан четда қолмаслиги ҳам муҳимлигини эслатиб ўтди.
Шавкат Мирзиёев Туркий давлатлар ташкилоти саммити иштирокчиларига Ўзбекистоннинг 2023 йилни Туркий цивилизациянинг юксалиш йили, деб эълон қилиш таклифини қўллаб-қувватлагани учун миннатдорчилик билдирди. «Мен ишонаман, Туркий дунёни буюк келажак кутмоқда», — деди у.
25 ёшли мактаб ўқитувчисига нисбатан жиноят иши қўзғатилган. Аввалроқ, ижтимоий тармоқларда Сурхондарёда мактаб ўқитувчиси вояга eтмаган қизни зўрлаб, уятсиз видеоларини интернетга тарқатгани ҳақида хабарлар тарқалди.
ТДТ саммитида Шавкат Мирзиёев аъзо мамлакатлар бугунги кунда кескин геосиёсий зиддиятлар ва глобал иқтисодий инқироз билан боғлиқ синовларни бошдан кечираётганини таъкидлади. «Қийинчиликларни дўстлик, ҳамкорлик ва бир-биримизни қўллаб-қувватлаш орқали енгиб ўтишга қодирмиз», — деди Шавкат Мирзиёев.
Бугун Ўзбекистон қизлар терма жамоаси ёшлар ўртасидаги жаҳон чемпионатида қатнашиш учун Испанияга қуйидаги таркибда йўл олди: -48 кг: Гулсевар Ғаниева-50 кг: Робияхон Бахтиёрова-54 кг: Мухлиса Хушвақтова-60 кг: Моҳира Аҳмедова-63 кг: Ситора Баҳодирова-70 кг: Азиза Зокирова-75 кг: Саҳобат Ҳусанова-81 кг: Олтиной Сотимбоева Бош мураббий: Тимур АхбаевМураббийлар: Махсетбай Жумабаев, Аҳмадали Қўчқоров, Азим Худойқулов. Манба: Ўзбекистон бокс федерацияси
14-26 ноябрь кунлари Испаниянинг Ла Нусия шаҳрида бокс бўйича ёшлар ўртасида жаҳон чемпионати ўтказилади. Ушбу нуфузли мусобақада иштирок этувчи ёшларимиз бугун бош мураббий Олим Мухамедов бошчилигида Испанияга жўнаб кетишди.
Шунингдек, шундай ўйинларни ташкил этиш, ўтказиш ҳамда уларда иштирок этиш учун маъмурий ва жиноий жавобгарлик кучайтирилмоқда. Қимор ва таваккалчиликка асосланган бошқа ўйинларни ташкил этиш, ўтказиш ва тарғиб қилиш билан боғлиқ ҳаракатларга жавобгарликни кучайтириш тўғрисида қонун лойиҳаси муҳокамага қўйилди. Лойиҳага кўра, қонун билан қимор ва таваккалчиликка асосланган бошқа ўйинларни ташкил этиш, ўтказиш ҳамда уларда иштирок этиш билан боғлиқ ноқонуний фаолият учун маъмурий ва жиноий жавобгарлик кучайтирилмоқда.
Иорданияда бокс бўйича катталар ўртасидаги Осиё чемпионати ўз ниҳоясига етиб бормоқда. Бугун аёллар ўртасидаги баҳсларнинг финал учрашувлари ўтказилади.
Ўзбекистон эркаклар терма жамоаси бокс бўйича Осиё чемпионатининг финалига йўл олган спортчилар сони бўйича иккинчи бўлиб турибди. Амманга йўл олган 13 нафар йигитларнинг 7 нафари олтин медаль учун курашиш имкониятига эга бўлди.
Иорданиянинг Амман шаҳрида бўлиб ўтаётган бокс бўйича Осиё чемпионатида ўзбекистонлик спортчиларнинг барчаси ярим финал жангларини ўтказишди. Вакилларимиз орасида сўнгги бўлиб Мадияр Саидраҳимов (92 кг.) финал йўлланмасини қўлга киритди.
Иорданиянинг Амман шаҳрида бокс бўйича Осиё чемпионатида ярим финал баҳслари доирасида кечки дастурдан ўрин олган жанглар давом эттирилмоқда. 80 килограмм вазнда қитъа чемпионатига борган Одилон Аслонов финал йўлланмаси учун қирғизистонлик Омурбек Бекжигит ўғлига қарши баҳслашди.
Адлия вазирлиги E-qaror порталида Тошкент ҳокимлигининг шаҳар бюджетига оид ҳужжатлари аввал «ўчирилгани», сўнгра қайта тиклангани юзасидан изоҳ берди. Вазирлик маълумотларига кўра, фақат ҳокимлар ҳужжатларни эълон қилиш ва улардан фойдаланишни чеклаш ҳуқуқига эга.
Иорданиянинг Амман шаҳрида бокс бўйича Осиё чемпионатида ярим финал баҳслари доирасида кечки дастурдан ўрин олган жанглар давом эттирилмоқда. Мусобақа кашфиётларидан бири бўлаётган ўзбекистонлик 63,5 кило вазндаги спортчи Руслан Абдуллаев финал йўлланмаси учун Хитой Тайпейидан ташриф буюрган Чу Эн Лаига қарши рингга кўтарилди.
Иорданиянинг Амман шаҳрида бокс бўйича Осиё чемпионатида ярим финал баҳслари доирасида кечки дастурдан ўрин олган жанглар бошланди. Белграддаги жаҳон чемпионатида кумуш медални қўлга киритган Абдумалик Халаков қитъа чемпионатида мўғулистонлик Гантумур Лундаага қарши жанг ўтказди.
Иорданиянинг Амман шаҳрида бокс бўйича Осиё чемпионатида ярим финал баҳслари доирасида кечки дастурдан ўрин олган жанглар бошланди. Олимпиада чемпиони Ҳасанбой Дўсматов финал йўлланмаси учун мўғулистонлик Хархуу Энхмандахга қарши қийин жанг ўтказди.
Ўзбекистон ташқи ишлар вазири Владимир Норов Туркий давлатлар ташкилотини суверенитет, ҳудудий яхлитлик ва хавфсизликка таҳдидларни енгиш учун биргаликдаги имкониятларни оширишга чақирди.Ўзбекистон ташқи ишлар вазири Владимир Норов 10 ноябрь куни Самарқандда бўлиб ўтган Туркий давлатлар ташкилоти ташқи ишлар вазирлари кенгаши йиғилишида сўзга чиқди.
Шавкат Мирзиёев Туркия президенти Режеп Таййип Эрдоғанни "Олий даражали Имом Бухорий" ордени билан мукофотланди. Бугун, 10 ноябрь куни Самарқанд шаҳида бўлиб ўтаётган Туркий давлатлар ташкилоти саммити доирасида Ўзбекистон президенти фармони билан Туркия президенти Режеп Таййип Эрдоған "Олий даражали Имом Бухорий" ордени билан мукофотланди.
Туркия президенти Режеп Таййип Эрдоған Ўзбекистоннинг «Олий даражали Имом Ал-Бухорий» ордени билан тақдирланди. Унга бу юксак мукофотни давлат раҳбари Шавкат Мирзиёев топширди.
Иорданиянинг Амман шаҳрида бокс бўйича Осиё чемпионатининг ярим финал баҳслари 10 ноябрь, пайшанба куни бўлиб ўтмоқда.Супер оғир вазн тоифасида (+92 кг) Ўзбекистон шарафини ҳимоя қилаётган Лазизбек Муллажонов ярим финалда Ҳиндистон вакили Нарендерга қарши рингга чиқди.
Иорданияда ўтказилаётган бокс бўйича Осиё чемпионатида бугун эркаклар ўртасида ярим финал жанглари доирасида Ўзбекистон эркаклар терма жамоаси 3 мағлубиятдан кейин дастлабки ғалабани қўлга киритди. 75 кило вазндаги спортчимиз Саиджамшид Жаъфаров ҳиндистонлик Сумитга қарши ишончли жанг ўтказди.
Табақалаштирилган тўлов-контракт асосида ўқиш истагини билдирган абитуриентлар ва ўқишини кўчираётган талабаларни ОТМларга қабул қилишнинг сўнгги муддати ҳам айтилди. Давлат олий таълим муассасаларига ўқишга қабул қилиш жараёнларини мувофиқлаштириш бўйича Давлат комиссиясининг тегишли қарорига мувофиқ 2022/2023 ўқув йилида ОТМларининг бакалавриат таълим йўналишлари, магистратура мутахассисликларига тўлов-контракт асосида талабаликка тавсия этилган абитуриентлар ҳамда ўқишини кўчираётган ва тиклаётган талабалар учун белгиланган контракт тўловларини тўлашнинг сўнгги муддати жорий йилнинг 10 декабрига қадар (шу куни ҳам) узайтирилди, дея хабар бермоқда Олий ва ўрта махсус таълим вазирлиги.
Ўзбекистон ТИВ Украина элчиси билан учрашувда, Украина Мудофаа вазирлигининг Ўзбекистон санкция чекловларини четлаб ўтиб, Россияга икки мақсадли маҳсулотлар етказиб бергани ҳақидаги «асоссиз баёноти» юзасидан «жиддий хавотир билдирди».10 ноябрь куни Ўзбекистон Ташқи ишлар вазирлигида Украинанинг фавқулодда ва мухтор элчиси Николай Дорошенко билан учрашув бўлиб ўтди.
Иорданиядаги бокс бўйича Осиё чемпионатида бугун эркаклар ўртасида ярим финал жанглари доирасида иккинчи "класико" бўлиб ўтди. 67 кг вазндаги вакилимиз Асадхўжа Мўйдинхўжаев қозоғистонлик Дулат Бекбауовга қарши баҳс олиб борди.
Иорданиядаги бокс бўйича Осиё чемпионатида бугун эркаклар ўртасида ярим финал жанглари ўтказилмоқда. 60 кг. вазндаги вакилимиз Адҳамжон Муҳиддинов мўғулистонлик Баярхуу Буяндалаига қарши рингга кўтарилди.
Мазкур ташаббус Орол денгизининг Ўзбекистон қисмида янги ўрмон экинларини ўтқазиш орқали ҳудудда ҳаво сифати ва яшаш шароитларини яхшилаш ҳамда иқлим ўзгаришига чидамлиликни оширишга йўналтирилади. АҚШ Халқаро тараққиёт агентлиги (USAID) Орол денгизи ҳудудида чўлланишнинг салбий оқибатлари билан курашиш мақсадида 1,6 миллион АҚШ доллари миқдорида маблағ ажратганини эълон қилди.
Қоидани бузган ҳайдовчи жаримага тортилди. ППХ автомобили эса жарима майдонига қўйилди.
Ҳар бир ҳудуд учун АГТКШларнинг иш вақти турлича қилиб белгиланган. Табиий газ истеъмоли ортиши муносабати билан 9 ноябрдан эътиборан барча АГТКШлар фаолияти Энергетика вазирлиги ҳамда вилоятлар ҳокимликлари билан тасдиқланган жадвалга асосан махсус иш тартибига ўтказилиши ҳақида хабар бергандик. “Ўзтрансгаз” АЖ ҳудудлар кесимида автомобилларга табиий газ тўлдириш шохобчаларига киритилган чекловлар вақтини ҳам эълон қилди. Қорақалпоғистон Республикаси - 06:00 - 18:00; • Андижон вилояти - 05:00 - 17:00; • Бухоро вилояти - 06:00 - 19:00; • Жиззах вилояти - 23:00 - 17:00; • Қашқадарё вилояти - 06:00 - 21:00; • Навоий вилояти - 07:00 - 19:00; • Наманган вилояти - 06:00 -18:00; • Самарқанд вилояти - 23:00 - 15:00; • Сирдарё вилояти - 23:00 - 17:00; • Сурхондарё вилояти - 06:00 -19:00; • Тошкент шаҳри - 08:00 - 20:00; • Фарғона вилояти - 06:00 - 18:00; • Хоразм вилояти - 06:00 -18:00.
Иорданиядаги бокс бўйича Осиё чемпионатида бугун эркаклар ўртасида ярим финал жанглари ўтказилмоқда. 54 кг. вазндаги вакилимиз Шаҳзод Музаффароқ финал йўлланмаси учун қозоғистонлик Маҳмуд Сабирханга қарши рингга кўтарилди.