Тошкентда “Яшил фан ва инновациялар куни” Барқарор агроозиқ-овқат тизимларини намойиш етди

Тошкент, Ўзбекистон – 2025 йил 5 сентябр. БМТ Озиқ-овқат ва қишлоқ хўжалиги ташкилоти (ФAО) Тошкент давлат аграр университети билан ҳамкорликда Ўзбекистонда “Яшил фан ва инновациялар куни”ни ўтказди. Тадбирда 200 га яқин иштирокчи – ёшлар, олимлар, сиёсатчилар, фуқаролик жамияти ва хусусий сектор вакиллари иштирок етиб, агроозиқ-овқат тизимларини янада яшил келажак сари ўзгартираётган илмий ютуқлар ва инновацион йечимлар билан танишдилар.

Ушбу ташаббус Ўзбекистонда 2025 йилнинг “Atrof-muhitni asrash va yashil iqtisodiyot” йили деб еълон қилинганига ҳамоҳанг тарзда ташкил қилинди. Бу мамлакатнинг иқлим ўзгариши, биохилма-хилликнинг йўқолиши, атроф-муҳитнинг ифлосланиши ва барқарор бўлмаган қишлоқ хўжалиги амалиётларига қарши қатъий саъй-ҳаракатларини тасдиқлади. Тадбир, шунингдек, ФAО Яшил қишлоқ хўжалиги бўйича Минтақавий техник платформаси, ФAО Илм-фан ва инновациялар форуми ҳамда Йевропа ва Марказий Осиё учун Минтақавий фан ва инновациялар ҳафталиги каби глобал ва минтақавий ташаббуслар билан уйғун ҳолда ўтказилди.

Бу ташаббуслар илм-фан ва инновацияларнинг барқарор ва инклюзив агроозиқ-овқат тизимларини шакллантиришдаги муҳим ўрнини ёритади.

Тадбир давомида илғор ташаббуслар ва технологиялар тақдим етилди. Жумладан, Қишлоқ хўжалиги вазирлиги ҳузуридаги Aгро-саноатни рақамлаштириш маркази томонидан “Aгроплатформа” ахборот тизими, Тошкент давлат аграр университетининг биоконтролга асосланган барқарор ўсимликларни ҳимоя қилиш усуллари, шунингдек, “Ўзбеккосмос” томонидан қишлоқ хўжалигида дронлар ва космик технологияларни қўллаш имкониятлари. ФAО Ўзбекистондаги илмий-инновацион тажрибаси билан бўлишди, БМТ Кўнгиллилари еса ёшларнинг фаол иштироки ва кўнгиллиликнинг аҳамиятини таъкидлади.

Интерактив машғулотлар, жумладан, яшил фан, инновациялар ва ФAО фаолияти бўйича билим викторинаси ёшларнинг фаол қатнашишини рағбатлантирди ва билимларни мустаҳкамлашга хизмат қилди. Викторина ғолиблари ёпилиш маросимида тақдирланди.

Қайд етилгандек, озиқ-овқат хавфсизлигини таъминлаш ФAОнинг асосий мандатида муҳим ўрин тутади ва бу жараёнда йер ресурсларини муҳофаза қилиш ҳамда улардан оқилона фойдаланиш катта аҳамиятга ега.

Инновацион усулларга асосланган йер ресурсларини барқарор бошқариш қишлоқ хўжалиги маҳсулотларининг озиқавий қийматини ошириш, шунингдек, иқлим ўзгариши оқибатларига мослашиш ва уларни юмшатишга ёрдам беради. “Яшил фан ва инновациялар куни” еса миллий ва маҳаллий даражада билим алмашиш ва далилларга асосланган қарорлар қабул қилишни кучайтириб, Ўзбекистонда барқарор қишлоқ хўжалиги ва атроф-муҳитни муҳофаза қилиш учун ҳамкорлик ва ресурсларни сафарбар етишга хизмат қилади.