Ўзбекистонликлар жарима майдончаларидан автомобилларини онлайн олиб кетиши мумкун

Ўзбекистонда ҳайдовчиларга автомобилларини жарима майдончаларидан онлайн расмийлаштириб олиб кетиш имконияти яратилди. Бу ҳақда Адлия вазирлиги хабар қилди.

Вазирлар Маҳкамаси томонидан тасдиқланган янги тартибга кўра, ариза Ягона интерактив давлат хизматлари портали, ЙҲХХ иловаси ёки давлат хизматлари марказлари орқали юборилиши мумкин.

Ариза юборилгандан сўнг, тизим ҳайдовчи маълумотларини ва транспорт воситасининг ушлаб турилиши асосларини текширади. Агар қоидабузарлик бартараф этилган бўлса ёки маъмурий иш бўйича қонуний қарор қабул қилинган бўлса, ҳайдовчига автомобилни жарима майдонидан олиб кетишга рухсат берувчи хабарнома юборилади.

Кутилмоқдаки, янги механизм транспорт воситаларини қайтариб олиш жараёнини соддалаштиради ва хизматдан фойдаланиш вақтни қисқартиради.