UFC. Макгрегорнинг менежери Холлоуэй билан жангдан кейинги режаларни ошкор қилди

Икки вазн тоифасида собиқ UFC чемпиони Конор Макгрегорнинг менежери Оди Аттар ирландиялик спортчининг келажаги борасидаги режалари билан ўртоқлашди. Унинг таъкидлашича, Конор 11 июль куни UFC 329 турнири доирасида Макс Холлоуэйга қарши бўлиб ўтадиган жангдан сўнг фаолиятини якунламоқчи эмас.

«Шуни айтишим мумкинки, Макгрегор доимий равишда спорт формасида бўлишни ва жанг қилишни хоҳлайди. Биз 11 июлдаги Макс Холлоуэй билан тўқнашувдан ташқари, кейинги жангни ҳам интиқлик билан кутяпмиз — бу сафар албатта бир йил кутиб ўтирмаймиз», — дея Аттарнинг сўзларини келтиради MMAJunkie.

Эслатиб ўтамиз, Конор Макгрегор 2021 йил июль ойидан бери, яъни Дастин Порье билан жангда оёғидан оғир жароҳат олганидан бери октагонга кўтарилмаган эди. Ҳозирда унинг ҳисобида 22 та ғалаба ва 6 та мағлубият мавжуд. Макс Холлоуэй билан бўлажак жанг UFC 329 кечасининг марказий воқеаси бўлиши кутилмоқда.