Бухоро, Навоий ва Самарқандда бизнес кайфияти яхшиланди

Марказий банк сўровига кўра, 2026 йил II чорагида Бухоро, Навоий ва Самарқанд вилоятларида бизнес муҳити яхшиланган. Респондентларнинг 69 фоизи бизнес шароитларига ижобий баҳо берган.

Буюртмалар ҳажми ошганини билдирганлар улуши 64 фоизни, ишлаб чиқариш ҳажми ошганини қайд этганлар эса 58 фоизни ташкил этган. Ёнилғи ва энергия истеъмоли бўйича кўрсаткич 7 фоиз бандга, юк ташиш бўйича эса 9 фоиз бандга ошган.

Келгуси чоракда буюртмалар ва ёнилғи-энергия истеъмоли ошишини кутаётган тадбиркорлар улуши 60 фоизни ташкил этган.