Шавкат Мирзиёев Олий Евроосиё иқтисодий кенгашининг навбатдаги йиғилишида нутқ сўзлаб, ЕОИИ доирасида ўзаро савдодаги тўсиқ ва чекловларни бартараф қилиш, янги транспорт йўлакларини барпо этиш ва «яшил» энергетика лойиҳаларини амалга ошириш масалаларига тўхталиб ўтди.Президент Шавкат Мирзиёев 10 декабрь куни Олий Евроосиё иқтисодий кенгашининг видеоанжуман шаклида ўтган навбатдаги йиғилишида иштирок этди.
Ўзбекистон давлат хизматчиларининг одоб-ахлоқ кодекси лойиҳаси жамоатчилик муҳокамаси учун эълон қилинди. Унга кўра, давлат хизматчисининг ташқи кўриниши меҳнат шароитлари ва хизмат турига қараб, умумий қабул қилинган иш услубига мувофиқ бўлиши лозим.
Қонунчилик палатаси мажлисининг Uzreport TV телеканали орқали узатилган жонли эфири 48 дақиқа ўтиб тўхтатилди. Палата буни каналда бокс бўйича Ўзбекистон чемпионати бошланиши билан изоҳлади.
17 декабрь куни Ўзбекистон президенти Шавкат Мирзиёев ва Жанубий Корея президенти Мун Чжэ Ин Сеулда саммит ўтказади. Улар давлатлар ўртасида «келажакка қаратилган ва ўзаро манфаатли» ҳамкорликни кенгайтириш чора-тадбирларини муҳокама қилишлари кутилмоқда.
2017 йилдан бери адлия вазирининг ўринбосари сифатида ишлаб келаётган Акбар Ташкулов лавозимидан озод этилди. У Тошкент давлат юридик университети ректори лавозимига тайинланиши кутилмоқда.
Ўзбекистон ТИВ раҳбари Абдулазиз Камилов «Италия — Марказий Осиё» шаклидаги иккинчи вазирлар учрашувида жаҳон ҳамжамиятини Афғонистонга нисбатан санкцияларни бекор қилишга, қолаверса, музлатилган халқаро активларни қайтариш ва мамлакат банк тизимини тиклашда кўмаклашишга чақирди.8 декабрь куни Тошкент шаҳрида «Италия — Марказий Осиё» шаклидаги иккинчи вазирлар конференцияси бўлиб ўтди.
Бош прокуратура Деновдаги савдо марказидаги портлаш юзасидан Жиноят кодексининг меҳнатни муҳофаза қилиш ва ёнғин хавфсизлиги қоидаларини бузиш билан жиноят иши қўзғатилди. Бироқ, моддаларнинг айнан қайси бандлари билан иш очилгани маълум қилинмаган.
Конституция куни колумнист Комил Жалилов ҳокимият тармоқлари ўртасида ўзаро тийиб туриш ва мувозанатни сақлашнинг демократик тизимини барпо этиш, шу орқали жамият ва давлатни коррупциядан халос этиш учун пойдевор яратиш мақсадида Асосий қонунга қандай ўзгартиришлар киритиш зарурлиги ҳақида ёзяпти.8 декабрда Ўзбекистонда Конституция куни нишонланади.
Президент фармони билан Конституция куни арафасида билиб-билмай жиноят содир этган, қилмишига чин дилдан пушаймон бўлиб, тузалиш йўлига қатъий ўтган 182 нафар маҳкум афв этилди. Уларнинг 6 нафарини чет эл фуқаролари, 6 нафарини 60 ёшдан ошганлар, 9 нафарини аёллар ва 25 нафарини тақиқланган ташкилотларга алоқадор бўлганлар ташкил этди.
Сурхондарё вилояти Бойсун тумани ҳокими фармойиши билан техник носоз Captiva-2 хизмат автомобили бепул тарзда туман прокуратурасига ўтказилди. Шундан сўнг, ҳокимлик 398 млн сўмлик Trailblazer машинасини харид қилиш учун шартнома тузган.
АҚШ сенаторлар гуруҳи Оқ уй ва Давлат департаментини инсон ҳуқуқлари билан боғлиқ вазият сабабли Ўзбекистонга босим ўтказишга чақирди. Уларнинг фикрича, Ўзбекистондаги ислоҳотлар сустлашган, мамлакатда эркин сўз ҳуқуқи чекланмоқда.
«Газета.uz» йирик вазирлик ва идораларнинг хизмат автомашиналари паркини таҳлил қилиб, мамлакатнинг юқори мартабали амалдорлари қандай автомобиллардан фойдаланишини аниқлади. Вазирлар орасида Mercedes-Benz, уларнинг ўринбосарлари орасида эса Malibu ва Captiva энг оммабоп автомобиль бўлиб чиқди.
Афғонистондаги вазиятнинг беқарорлашишига олиб келиши мумкин бўлган гуманитар фалокатнинг олдини олиш учун афғон халқига аниқ ёрдам кўрсатиш ниҳоятда муҳим ҳисобланади, дея таъкидлади Ўзбекистон ташқи ишлар вазири Абдулазиз Камилов.7 декабрь куни Ўзбекистон ташқи ишлар вазири Абдулазиз Камилов Шанхай ҳамкорлик ташкилоти Минтақавий аксилтеррор тузилмаси (ШҲТ МАТТ) Ижроия қўмитаси директори лавозимидаги миссиясини якунлаётган Жумахон Ғиёсовни қабул қилди, деб хабар берди ТИВ матбуот хизмати.
Оқўрда қароргоҳида Шавкат Мирзиёев ва Қасим-Жомарт Тоқаев тор доирада музокаралар ўтказди. Шавкат Мирзиёев икки давлат иқтисодиётлари рақобат қилмаслигини, аксинча бир-бирини тўлдириб туришини таъкидлади.
7 декабрь куни соат 17:00 да Алишер Навоий номидаги киночилар уйида Кинематография агентлиги буюртмасига биноан Pro art студияси томонидан суратга олинган “Ҳаёт афсунлари” бадиий фильмининг катта премьераси бўлиб ўтади. Мазкур премьера 8 декабрь — Ўзбекистон Республикаси Конституцияси қабул қилинган кун муносабати билан агентлик томонидан киномухлисларга туҳфа сифатида тақдим этилмоқда.
Ўзбекистон президенти Шавкат Мирзиёев Қозоғистон президенти Қасим-Жомарт Тоқаевнинг таклифига биноан давлат ташрифи билан Нур-Султонга жўнаб кетди.Ўзбекистон президенти Шавкат Мирзиёев Қозоғистон президенти Қасим-Жомарт Тоқаевнинг таклифига биноан 5 декабрь куни давлат ташрифи билан Нур-Султон шаҳрига жўнаб кетди, дея хабар қилди давлат раҳбари матбуот хизмати.
Ўзбекистонда блокпостлар ўрнатилиши ҳақидаги хабарлар ёлғонлиги маълум қилингани, коррупцияни содир этганлик учун 20 йилгача озодликдан маҳрум қилиш таклиф этилгани, электр энергиядаги ўчишлар Тошкентда яна сув таъминоти узилишига сабаб бўлгани, Тошкент ҳавосининг ифлосланиш даражаси яна кескин кўтарилгани — «Газета.uz»нинг 3 декабрдаги энг муҳим хабарлари дайжестида.Ўзбекистонда блокпостлар ўрнатилиши ҳақидаги хабарлар ёлғонлиги маълум қилиндиИжтимоий тармоқларда 2022 йил 1 мартгача Ўзбекистоннинг барча туманларида блокпостлар ўрнатилиши ҳақида хабарлар тарқалди.
Ижтимоий тармоқларда тарқалган беҳаё видео ортидан Феруза Бабашеванинг депутатлик ваколатлари муддатидан илгари тугатилди. Ўрта Чирчиқ тумани Кенгашининг навбатдан ташқари сессияси унинг ҳамкасблари ташаббуси билан чақирилган ҳамда тегишли қарорни 24 нафар депутатдан 23 нафари қўллаб-қувватлаган.
Ўзбекистон президенти Шавкат Мирзиёев 5−6 декабрь кунлари Қозоғистонга давлат ташрифини амалга оширади. Бу октябрдаги сайловдан кейин биринчи давлат ташрифи ҳисобланади.
Президент Маҳаллабай ишлаш ва тадбиркорликни ривожлантириш агентлиги ташкил этилишини маълум қилди. Ҳоким ёрдамчилари эса 1 январда фаолиятини бошлайди.
Толиблар Ўзбекистонни Афғонистон ҳукумати қулаганидан кейин афғон учувчилари мамлакатни тарк этган самолёт ва вертолётларни қайтаришга чақирди. Август ўрталарида Афғонистоннинг 22 та ҳарбий самолёт ҳамда 24 та ҳарбий вертолёти Термиз халқаро аэропортига мажбурий равишда қўндирилган эди.
Ўзбекистонда тарихда илк маротаба БМТ оиласига кирувчи ташкилотнинг бош ассамблеяси ўтказилади Бирлашган миллатлар ташкилотининг Бутунжаҳон туризм ташкилоти (UNWTO) ассамблеяси 2023 йилда Самарқанд шаҳрида ўтказиладиган бўлди. Ўзбекистон Республикаси Бош вазир ўринбосари, Туризм ва спорт вазири Азиз Абдуҳакимов айни дамда Испаниянинг Мадрид шаҳрида ўтаётган UNWTOнинг 24 сессияси доирасидаги овоз бериш жараёни натижаларига кўра шу ҳақда маълум қилди.
Ҳайдовчиларга қулоқчин ёки bluetooth орқали телефондан фойдаланишга рухсат этилгани, Ўзбекистон 10 та давлат билан халқаро авиақатновларни тўхтатгани, ўзбекистонликларга «Умра» сафарини адо этишга рухсат берилиши кутилаётгани, ноябрь ойида инфляция 1,2%ни ташкил қилгани, автомобилнинг олд қисмига монитор ўрнатганлик учун жарима бекор қилингани — «Газета.uz»нинг 1 декабрдаги энг муҳим хабарлари дайжестида.Ҳайдовчиларга қулоқчин ёки bluetooth орқали телефондан фойдаланишга рухсат этилдиЎзбекистонда ҳайдовчиларга ҳаракат вақтида қулоқчин ва қўл ишлатмасдан мулоқот олиб бориш имконини берувчи бошқа қурилмалар орқали телефондан фойдаланишга рухсат берилди.
Ўзбекистонда ҳайдовчиларга ҳаракат вақтида қулоқчин ва қўл ишлатмасдан мулоқот олиб бориш имконини берувчи бошқа қурилмалар орқали телефондан фойдаланишга рухсат берилди. Ўзгаришлар 1 декабрдан кучга кирди.
2022−2026 йилларда 740 МВт қувватга эга 21 та йирик ГЭС лойиҳаларини амалга ошириш режалаштирилмоқда. Қишлоқларни электр энергия билан таъминлаш учун эса 22 та майдонда 5 МВтлик мини ГЭСларни қуриш кўзда тутилган.
Оҳангарон туманининг “Қизилой” МФЙ ҳудудида «Toshkent conch cement» МЧЖ томонидан цемент ишлаб чиқариш лойиҳаси бўйича амалий тадбирлар бошлаб юборилиб, янги цемент заводи қурилишига тамал тоши қўйилди. Тадбирда хитойлик ҳамкорлар, туман ҳокими, туман прокурори, 2-сектор раҳбари, қурувчилар, маҳалла фуқаролар йиғини фаоллари ҳамда ОАВ вакиллари иштирок этди.
Жорий йилнинг 30 ноябрь куни пойтахтнинг Hayat Regency меҳмонхонасида Коррупцияга қарши курашиш агентлиги ҳамда Ўзбекистон Республикаси Савдо-саноат палатаси ҳамкорлигида “Ўзбекистон бизнес ҳамжамиятида ҳалоллик” бизнес форуми ўтказилди, унда 100 дан ортиқ турли соҳаларда фаолият кўрсатаётган тадбиркорлик ва бизнес вакиллари, вазирлик ва идоралар, ОАВ, жамоатчилик ва халқаро ташкилотларнинг вакиллари ҳамда хорижий экспертлар иштирок этди. Тадбир доирасида иштирокчиларга БМТнинг коррупцияга қарши конвенцияси талаблари асосида Коррупцияга қарши курашиш миллий кенгаши томонидан тасдиқланган коррупцияга қарши халқаро стандартларни миллий қонунчиликка имплементация қилишни давом эттириш бўйича “Йўл харитаси”нинг ижроси юзасидан “Ўзбекистон бизнесининг коррупцияга қарши курашиш Хартияси” ишлаб чиқилди ва тасдиқланганлиги тўғрисида маълумот берилди.
Масс-медиа фонди Васийлик кенгаши раиси ўринбосари Саида Мирзиёева БМТ Аёллар қўмитасининг Европа ва Марказий Осиё бўйича минтақавий директори Алия Ал-Ёсир билан учрашди. Унда Тошкентда БМТ Аёллар қўмитасининг ваколатхонаси очиш таклифи илгари сурилди.
Эндиликда Миллий гвардия оммавий тадбирларни ўтказишда, шунингдек, жамоат жойларида жамоат тартибини мустақил равишда таъминлайди. Бундан ташқари, Миллий гвардия жамоат тартибини сақлаш соҳасида содир этиладиган маъмурий ҳуқуқбузарликлар тўғрисидаги ишларни кўриб чиқиш ҳуқуқини олиши мумкин.
Халқ таълими вазири Бахтиёр Саидов учта вилоятга ташрифдан сўнг, мактаблардаги аҳволни қониқарли эмас деб атади. «Афсуски, ҳатто ўз фани бўйича оддий саволга ҳам жавобни билмайдиган ўқитувчилар бор экан», — деди у.