Абдулла Азимов Париж-2024 йўлланмасига эга чиқиб, ўзбек спорт гимнастикаси тарихида янги саҳифа очди

Тошкентда старт олган спорт гимнастикаси бўйича Осиё чемпионатининг биринчи куниёқ Ўзбекистон терма жамоаси ажойиб натижани қайд этди. Ҳамюртимиз Абдулла Азимов яккалик йўналишининг кўпкураш дастурида 82.431 балл жамғариб, Париж — 2024 ёзги Олимпия ўйинлари йўлланмасини қўлга киритди.

Қайд этиш жоиз, Азимов мусобақада учинчи ўринни эгаллади. Бироқ биринчи ва иккинчи ўрин эгалари ҳисобида Олимпиада йўлланмаси бўлгани боис лицензияси йўқ атлетлар орасида энг юқори натижа қайд этган юртдошимиз Париж — 2024 йўлланмасига эга чиқди.

Яна бир аҳамиятли жиҳати, спорт гимнастикаси бўйича Ўзбекистон эркаклар терма жамоаси ўз тарихида биринчи бор Олимпия ўйинларига учта йўлланмани қўлга киритди.

Манба: olympic.uz