Тошкентда самбо бўйича жаҳон чемпионати давом этмоқда. Орта қолган кунда бир қатор вазн тоифаларида медаллар жамланмаси ўз эгаларига топширилди.
«Ўзбекистон темир йўллари» АЖ бошқарувининг 6 ноябрдаги мажлисида йўловчи ташиш хавфсизлиги устидан назоратни кучайтириш бўйича масъулларга вазифалар қўйилди. Тўққиз ойлик якунларга бағишланган йиғилишда иқтисодий ва молиявий кўрсаткичлар кўриб чиқилиб, йил охиригача бажариладиган устувор вазифалар муҳокама қилинди.
Тошкент шаҳрида самбо бўйича ўтказилаётган Жаҳон чемпионатида навбатдаги мусобақа куни якунланиб, ғолиб ва совриндорлар аниқланди. Навбатдаги беллашувлар якунига кўра, Ўзбекистон терма жамоаси аъзолари 2 та кумуш ва 2 та бронза медалига сазовор бўлишди.
Бир ой давомида иккиламчи хомашёни қабул қилиш пунктлари қарийб 16,6 мингта идишни қабул қилди. Уларнинг 14,9 мингтаси пластик бутилка, 1,3 мингтаси алюминий банка ва 393 таси шиша идишлардан иборат.
Ўзбекистонлик профессионал боксчи Жавоҳир Умматалиев фаолиятидаги учинчи жангини ҳам ғалаба билан якунлади.Англиянинг Манчестер шаҳрида Queensberry промоутерлик компанияси ташкил этган бокс оқшомида ҳамюртимиз испаниялик Атакайте Сантанага қарши рингга кўтарилди.
7 ноябрь куни Ўзбекистон энергетика тизимидаги йирик инфратузилмавий лойиҳалардан бири янги 500 кВли «Ҳалқа» подстанциясига кучланиш берилди. Мамлакатимиздаги энг йирик ва замонавий юқори кучланишли объектлардан бири бўлган ушбу подстанция 1602 МВА қувватга эга.
12 кун давомида мамлакатимизнинг энг иқтидорли ёш спорт усталари иштирок этган Президент олимпиадаси ўз ниҳоясига етди. Мусобақаларнинг сўнгги кунида пара енгил атлетика бўйича беллашувлар ўтказилиб, ғолиб ва совриндорлар аниқланди.
Президент Шавкат Мирзиёев 7 ноябрь куни нишонланадиган Тиббиёт ва фармацевтика ходимлари куни муносабати билан соҳа вакилларига табрик йўллади. Давлат раҳбари ўз табригида тиббиёт ходимлари ва соҳада кўп йиллар меҳнат қилган фахрийларга аҳоли саломатлигини муҳофаза қилиш йўлидаги фидокорона меҳнати учун миннатдорлик билдирди.
Ўзгидромет прогнозларига кўра, 9-11 ноябрь кунлари ёмғир ёғиши, шимолий ҳудудлар ва тоғли жойларда эса қор тушиши кутилмоқда. Ҳарорат шимолда кечаси минус 7 даражагача, айрим ҳудудларда эса минус 1-2 даражагача пасаяди.
Президент Шавкат Мирзиёев аввалроқ миллий кино саноатини ислоҳ қилиш ва 10 гектар майдонда «Ўзбекфильм» киношаҳрини барпо этиш режаларини эълон қилган эди. Хорижий тажрибани ўрганиш мақсадида Маданият вазирининг биринчи ўринбосари — Кинематография агентлиги директори Жаҳонгир Аҳмедов бошчилигидаги Ўзбекистон делегацияси Туркияга ташриф буюрди.
Тошкент вилоятининг Бекобод шаҳридаги «М.К.» саноат корхонасида экологик меъёрлар жиддий бузилгани аниқланди. Экология полицияси текшируви натижаларига кўра, айрим ишлаб чиқариш участкаларида атмосферага чиқарилаётган зарарли моддалар миқдори белгиланган меъёрдан бир неча баробар ошган.
Жаҳон банкининг International Debt Report 2026 ҳисоботига кўра, Ўзбекистон ташқи қарзининг аҳоли жон бошига тўғри келадиган миқдори қарийб 2,4 минг долларни ташкил этади. Бу кўрсаткич Қозоғистонда 8,8 минг доллар, Қирғизистонда 1,7 минг доллар, Тожикистонда 660 доллар ва Туркманистонда 375 долларга тенг.
Тошкентда NH Hotels & Resorts халқаро меҳмонхона тармоғига тегишли меҳмонхона фаолият бошлайди. Minor Hotels компанияси NH Tashkent меҳмонхонасини очиш бўйича франчайзинг шартномасини имзолади.
Кеча пойтахтдаги «Чорсу» бозори яқинида шаҳар йўловчи автобусида ёнғин содир бўлди. Гувоҳлар тасвирга олган кадрларда дастлаб автобус салонидан қуюқ тутун кўтарилгани, кейин эса очиқ аланга пайдо бўлганини кўриш мумкин.
Самарқандда чиройли қилиб безатилган “Мўъжиза” базмгоҳида Тиббиёт ходимлари куни муносабати билан тантанали маросим бўлиб ўтди. Мамлакатимизда ҳар йили ноябрь ойининг иккинчи якшанбаси Тиббиёт ходимлари куни сифатида нишонланиб келинмоқда.
Ўзбекистонлик боксчи Жавоҳир Умматалиев бугун Англиянинг Манчестер шаҳрида ўзининг учинчи профессионал жангини ўтказади.Ҳамюртимиз Queensberry промоутерлик компанияси томонидан ташкил этилаётган бокс кечасида испаниялик Атакайте Сантанага қарши рингга кўтарилади.
Қозоғистоннинг Остона шаҳрида Халқаро кураш ассоциациясининг навбатдаги ХХII Конгресси бўлиб ўтди. Унда Спорт вазирлиги ва МОҚ раҳбариятидан иборат Ўзбекистон делегацияси ҳам иштирок этди.
Ҳар икки йилда америкаликлар Конгресс аъзолари учун овоз бериш мақсадида сайлов участкаларига келади. Вакиллар палатасида барча 435 депутат, Сенатда эса учдан бир қисм қайта сайланади (умумий 100 нафар).
Ўзбекистонда «Фидойи волонтёр» кўкрак нишони таъсис этилиб, кўнгиллилар ҳаракатини қўллаб-қувватлаш чоралари кенгайтирилади. Бу ҳақда Президент Шавкат Мирзиёевнинг 2026 йил 6 ноябрдаги фармонида белгиланган.
Ўзбекистон Германия билан икки томонлама ҳамкорликни мустаҳкамлаш доирасида давлат активларини бошқариш ва давлат иштирокидаги корхоналарни ислоҳ қилиш бўйича немис тажрибасини ўрганмоқда. Ўзбекистон делегациясининг Германияга ишчи ташрифи доирасида Германия Федерал молия вазирлиги ва Indecon Consulting консалтинг компанияси вакиллари билан семинар ҳамда ишчи учрашув бўлиб ўтди.
Кения суди 6 ноябрь куни «Эзгу хабар халқаро черкови» сектаси асосчиси ва ваазгўй Пол Маккензини 190 нафар бола ва бир нафар катта ёшли инсонни ўлдиришда айбдор деб топиб, 200 йилга озодликдан маҳрум этиш ҳақида ҳукм чиқарди. Тергов маълумотларига кўра, Маккензи ўз эргашувчиларини «Исо билан учрашиш» баҳонаси билан ўзини очликдан ўлишга мажбур қилган.
3 ноябрь куни 3-Мис бойитиш фабрикаси жамоаси 10 миллион тонна маъданни қайта ишлаш бўйича юксак меҳнат маррасини забт этгани ҳақида хабар берган эдик. Бугун тарихий зафарга муносиб ҳисса қўшган ишлаб чиқариш илғорларини тақдирлаш маросими бўлиб ўтди.
2026–2027 йиллар куз-қиш мавсумида пойтахтда иситиш тизими босқичма-босқич ишга туширилади. Дастлаб мактаблар, боғчалар, шифохоналар ва кўп қаватли уйларга иссиқлик берилади.
Ички ишлар вазирлиги ҳамда Иқтисодиёт ва молия вазирлигининг тегишли қарор лойиҳаси жамоатчилик муҳокамасига қўйилди. Унда жазони ижро этиш муассасаларида узоқ муддатли учрашувлар, видеоқўнғироқлар ва телефон орқали суҳбатлар учун тарифлар белгилаш таклиф этилган.
Жорий йилнинг 27 октябрь – 3 ноябрь кунлари Ўзбекистон Республикаси Инвестициялар, саноат ва савдо вазирлиги кўмагида ҳамда «Business Diplomat» билан ҳамкорликда маҳаллий тадбиркорларнинг АҚШга бизнес-миссияси ташкил этилди. Ташриф икки томонлама савдо-иқтисодий ҳамкорликни кенгайтириш ва Ўзбекистон маҳсулотларини Америка бозорига олиб чиқишга қаратилди.
Ижтимоий тармоқлар ва оммавий ахборот воситаларида 6 ноябрь куни Олий таълим, фан ва инновациялар вазири Эркинджон Турдимов раислигида ўтказилган йиғилишда 5 нафар олий таълим муассасаси ректори эгаллаб турган лавозимидан озод этилгани ҳақида хабарлар тарқалмоқда. Очиқ манбаларда келтирилган маълумотларга кўра: Ўзбекистон давлат жаҳон тиллари университети (ЎзДЖТУ) ректори Илҳомжон Тўхтасинов; Самарқанд давлат чет тиллар институти ректори Баҳодир Холиқов лавозимидан олингани айтилмоқда.
Остона (Астана) шаҳрида «Ақаба жараёни» доирасида бўлиб ўтган Марказий Осиё давлатлари етакчиларининг учрашуви конструктив ва амалий руҳда ўтди. «Chatham House» қоидалари асосида ташкил этилган ёпиқ мулоқотда халқаро ва минтақавий хавфсизлик, терроризм ва экстремизмга қарши курашиш ҳамда сунъий интеллектнинг жадал ривожланиши билан боғлиқ янги таҳдидларга биргаликда қарши туриш масалалари муҳокама қилинди.
Тошкентда Қозоғистон Президенти Қосим-Жомарт Тоқаевнинг 2026 йил 28 октябрда Қозоғистон халқига йўллаган «Янги тарихий даврда Қозоғистон олдида турган долзарб муаммолар» номли Мурожаатномасини таҳлил қилишга бағишланган эксперт учрашувлари ва муҳокамалар бўлиб ўтди. Уларда Мурожаатномада белгиланган сиёсий ва ижтимоий-иқтисодий устувор йўналишлар ҳамда Ўзбекистон ва Қозоғистон ўртасидаги ҳамкорликни янада ривожлантириш истиқболлари кўриб чиқилди.
Ижтимоий тармоқларда кенг муҳокамаларга сабаб бўлган ва қонунга зид чақириқларни ўз ичига олган видеолавҳа юзасидан Тошкент шаҳар ИИББ томонидан ўрганиш ишлари олиб борилди. Суриштирув жараёнида видео муаллифининг шахси аниқланиб, унга амалдаги қонунчилик талаблари ва жавобгарлик чоралари тушунтирилди.
Янгийўл шаҳрининг «Қовунчи тепа» маҳалласи суриштирувлари ва аҳоли мурожаатига кўра, ҳудудда дарахт шохларини шафқатсизларча кесиш ҳамда уларга жиддий шикаст етказиш ҳолатлари давом этмоқда. Маҳаллий аҳолининг сўзларига кўра, ишчилар нафақат қуриган, балки яшнаб турган яшил шохларни ҳам кесиб, синдирмоқда.