Ташкентда бўлиб ўтган Бутунжаҳон пахта куни форумида 30 дан ортиқ мамлакат олимлари ва мутахассислари Ўзбекистоннинг соҳадаги ютуқларини эътироф этиб, республикада Бутунжаҳон пахта марказини ташкил этиш ташаббуси билан чиқдилар. Бу ҳақда Президент Шавкат Мирзиёев пахтакорларга йўллаган табригида маълум қилди.
Ўзбекистонда 5 миллион тоннадан зиёд пахта йиғиб олинди. Бу ҳақда Шавкат Мирзиёевнинг шу муносабат билан деҳқон ва фермерлар, кластер ходимлари ҳамда соҳа мутахассисларига йўллаган табригида маълум қилинди.
Тошкент шаҳар ҳокимлиги шаҳар бошқаруви тизимини такомиллаштириш учун McKinsey & Company (АҚШ) халқаро консалтинг компаниясини жалб этишни режалаштирмоқда. Ҳамкорликнинг аниқ йўналишлари ва босқичлари пойтахт ҳокими Шавкат Умурзоковнинг компаниянинг глобал бошқарувчи ҳамкори Боб Стернфельс бошчилигидаги делегацияси билан учрашувида муҳокама қилинди.
Олмалиқ кон-металлургия комбинатининг 3-мис бойитиш фабрикасида 2026 йил 16 мартдан 4 ноябргача 10 миллион тонна маъдан қайта ишланди. Бу ҳақда комбинат Ахборот хизмати хабар берди.
Кўчмас мулкни оммавий баҳолаш миллий маркази директори ўринбосари Феруз Султонов иштирокида ўтказилган брифингда Тошкент шаҳридаги турар жойларни оммавий баҳолаш натижалари бўйича маълумот берилди. Бугунги кунга қадар 11 035 нафар мулкдор ўз муносабатини билдирган.
Бухоро вилояти хорижий сайёҳлар оқимини икки баробар ошириш ва уларнинг ҳудудда ўртача бўлиш муддатини 4–5 кунга етказишни режалаштирмоқда. Бунинг учун тарихий обидаларни ягона туристик йўналишга бирлаштириш, янги меҳмонхоналар, конгресс-холлар ва йирик туристик мажмуалар қуриш кўзда тутилган.
Ўзбекистон Республикаси Президенти Шавкат Мирзиёев мамлакат деҳқон ва фермерларини пахтачилик соҳасида эришилган тарихий рекорд — илк бор 5 миллион тоннадан ортиқ ҳосил йиғиб олингани билан самимий табриклади. Давлат раҳбари ўз табригида ушбу муваффақиятни «Янги Ўзбекистон мўъжизаси» ва бутун халқнинг ғалабаси деб атаб, иқлим ўзгариши билан боғлиқ мураккаб шароитга қарамай, ҳосилни ёғин-сочинли кунларга қолдирмасдан юқори сифат билан йиғиб олган деҳқонлар, агрономлар, кластер ходимлари ва соҳа мутахассисларига чуқур миннатдорлик билдирди.
Мичиган штатида ўтказилган сайловларда Демократик партиядан номзод Абдул Эл-Сайед ғалаба қозониб, АҚШ тарихида Сенатга сайланган биринчи мусулмон сифатида қайд этилди. «Мичиган, биз буни уддаладик!» дея ўз тарафдорларига мурожаат қилган Эл-Сайед Сенатда штат номидан вакиллик қилиш катта шараф ва масъулият эканини таъкидлади.
5 ноябрь, пайшанба куни Ўзбекистоннинг аксарият ҳудудларида ўзгарувчан булутли об-ҳаво кузатилади. Айрим жойларда кечаси ва эрталаб ёмғир ёғади.
Ўзбекистон Республикаси Президенти Шавкат Мирзиёев 4 ноябрь куни мамлакатимизга расмий ташриф билан келган Тожикистон Республикаси Олий Мажлиси Мажлиси миллий Раиси Рустами Эмомалини қабул қилди. Учрашув аввалида Рустами Эмомали Давлатимиз раҳбарига Тожикистон Президенти Эмомали Раҳмоннинг самимий саломи ва энг эзгу тилакларини етказди.
Германиянинг сайёҳат ва туризмга ихтисослашган нуфузли «Travelbook» онлайн-журналида Ўзбекистон пойтахтига бағишланган кенг қамровли мақола эълон қилинди. Мақола муаллифи Лена Браун Тошкентни қадимий шарқона анъаналар, замонавий архитектура ва бой миллий ошхона мукаммал уйғунлашган ноёб шаҳар сифатида эътироф этади.
Бош вазир ўринбосари Очилбой Раматов бошчилигидаги мутасаддилар, вазирлик ва идоралар раҳбарлари Бухоро вилоятида ОАВ вакилларига амалга оширилган ишлар ва келгуси режалар ҳақида ахборот берди. Иссиқлик таъминоти бўйича тақдим этилган режаларга кўра, 2027 йилда Янги Ўзбекистон массивларидаги 111 та, «Bukhara city» ҳудудидаги 60 та ва «Башкент» массивидаги 40 та уй марказлашган иситиш тизимига уланади.
Москва вилоятида хориж фуқаролари учун миграция ҳисобига туриш, дактилоскопия, тиббий кўрикдан ўтиш ва патент расмийлаштириш бўйича аниқ муддатлар белгиланди. Ҳужжатларни расмийлаштириш муддатлари: Миграция ҳисоби: Мамлакатга кириб келингач, умумий тартибда 7 иш куни ичида ҳисобга туриш лозим.
Тупроқ саломатлигини сақлаш, ресурсларни тежайдиган технологияларни жорий этиш ва фермерлар даромадини ошириш семинарнинг асосий мавзулари бўлди. Самарқанд.
Президент Шавкат Мирзиёев 4 ноябрь куни ҳуқуқбузарликлар профилактикаси тизимини ислоҳ қилиш бўйича таклифлар билан танишди. Мамлакатда қонуннинг янги таҳририни қабул қилиш, криминоген маълумотларнинг ягона рақамли платформасини яратиш ва жиноятчиликни прогноз қилишда сунъий интеллектдан фойдаланиш режалаштирилмоқда.
Ўзбекистон президенти Шавкат Мирзиёев Бухоро вилояти Олот тумани ҳокими Наргиза Нематовaни «Фидокорона хизматлари учун» ордени билан тақдирлади. Давлат раҳбари тегишли фармонни 2026 йил 4 ноябрь куни имзолади.
Бирлашган Араб Амирликларининг Ал-Айн шаҳрида 20 ёшгача бўлган шахматчилар ўртасида рапид йўналиши бўйича жаҳон чемпионати якунланди.Мусобақада Ўзбекистон вакиллари битта олтин ва битта кумуш медални қўлга киритди.
Президент Шавкат Мирзиёев 4 ноябрь куни ҳуқуқбузарликлар профилактикаси тизимини такомиллаштириш бўйича таклифлар билан танишди.Давлат раҳбари матбуот хизматининг хабар беришича, мамлакатда шахсни таниш функциясига эга 263 мингта видеокузатув камераси, 70 мингта замонавий домофон ва 22 мингта «ташвиш» тугмаси ўрнатилган.
Ўзбекистон Президенти администрацияси раҳбари Саида Мирзиёева 4 ноябрь куни Қашқадарё вилоятига ташриф буюриб, ижтимоий-иқтисодий ривожланиш лойиҳалари ва қатор ижтимоий муассасалардаги шароитлар билан танишди. Вилоят ҳокими Муротжон Азимов сув таъминотини яхшилаш, туризм, соғлиқни сақлаш ва таълим соҳаларини ривожлантириш бўйича бир қатор лойиҳаларни тақдим этди.
Ўзбекистон президенти Шавкат Мирзиёев Қозоғистон президенти Қасим-Жомарт Тоқаев ва Иордания қироли Абдулла II таклифига биноан 5−6 ноябрь кунлари амалий ташриф билан Остонада бўлади. Бу ҳақда давлат раҳбари матбуот хизмати хабар қилди.
Таиланд Туризм қўмитаси Ўзбекистон, Мексика, Колумбия ва Беларусь фуқаролари учун 30 кунгача визасиз режим жорий этиш таклифини маъқуллади. Мазкур ташаббус мамлакатга хорижий сайёҳлар оқимини ошириш ва туризм соҳасини янада ривожлантиришга қаратилган.
Қирғизистон Президенти Садир Жапаров мамлакат газ транспорт тизими тўлиқ Россиянинг «Газпром» компанияси назоратида эканини тан олди. Қирғизистон раҳбарининг таъкидлашича, мамлакат ўз газ тизимига ўзи эгалик қилмайди.
Тошкент шаҳрининг Чилонзор туманидаги ижарага олинган хонадонлардан бирида гиёҳвандлик воситаларини ноқонуний ишлаб чиқарувчи яширин лаборатория аниқланди. Ҳуқуқни муҳофаза қилувчи органлар томонидан ўтказилган тадбир давомида бир неча килограмм гашиш ёғи, гашиш, тақиқланган моддалар ҳамда уларни тайёрлашга мўлжалланган махсус ускуналар мусодара қилинди.
Ўзбекистонда «Ўн минг қадам пиёда» акциясини ўтказиш ва унинг иштирокчиларини рағбатлантириш тартибига оид ҳужжат лойиҳаси жамоатчилик муҳокамасига қўйилди. Ҳужжат лойиҳасида назарда тутилган асосий қоида ва шартлар: Акцияда 18 ёшга тўлган ва ундан катта бўлган Ўзбекистон Республикаси фуқаролари «Экофаол фуқаро» платформаси орқали рўйхатдан ўтиб, ихтиёрий равишда иштирок этишлари мумкин; Совринли ўринларга даъвогарлик қилиш учун бир йил давомида ҳар куни камида 10 минг қадам юриш талаб этилади; Республика бўйича энг юқори кўрсаткич қайд этган 1-, 2- ва 3-ўрин эгалари, шунингдек Қорақалпоғистон Республикаси, Тошкент шаҳри ва вилоятлар миқёсида энг яхши натижа кўрсатган иштирокчилар алоҳида қимматбаҳо совғалар билан тақдирланади; Электрон югуриш йўлакчаси, автомобил, велосипед, самокат ва бошқа техник воситалардан фойдаланиш ҳамда қадамлар сонини сунъий ошириш тақиқланади (қоидабузарларнинг натижалари бекор қилиниб, акциядан четлаштирилади); Ғолибларни тақдирлаш ҳар йили декабрь ойида Экология ва иқлим ўзгариши миллий қўмитаси ҳузуридаги жамғарма маблағлари ҳисобидан амалга оширилади.
ОАВ учун контент тайёрлаш марказида Ўзбекистоннинг Жаҳон савдо ташкилотига (ЖСТ) аъзо бўлиш жараёнининг жорий ҳолати ва галдаги устувор вазифаларига бағишланган матбуот анжумани бўлиб ўтди. Тадбирда Ўзбекистоннинг ЖСТга аъзо бўлиши бўйича Ишчи гуруҳ раиси, элчи Сунг-Ё Чой, ЖСТ Котибиятининг Аъзолик бўлинмаси директори Майка Ошикава ҳамда давлат идоралари вакиллари иштирок этди.
Президент Шавкат Мирзиёевнинг Бухоро вилоятига ташрифи чоғида ўтказилган йиғилишда Самарқанд ва Бухоро шаҳарлари ўртасида цемент-бетон қопламали янги пулли автомобиль йўлини барпо этиш режалаштирилаётгани маълум қилинди. Мазкур замонавий магистраль икки тарихий шаҳар ўртасидаги қатнов вақтини амалдаги 5 соатдан 1,5 соатгача қисқартириш имконини беради.
Қашқадарё вилоятини ижтимоий-иқтисодий ривожлантириш ҳамда аҳоли турмуш даражасини оширишга қаратилган устувор чора-тадбирлар доирасида вилоят учун энг долзарб масалалардан бири бўлган сув таъминотини яхшилаш бўйича муҳим қарорлар қабул қилинди. Хусусан, Қарши шаҳридаги «Чап тармоқ» каналини бетонлаштириш ва унинг атрофини ободонлаштириш ишларига старт берилади.
Олмазор тумани, Тахтапул дарвоза кўчаси, 351-уй манзилида жойлашган 3-сонли туғруқ мажмуаси ҳудудида дарахт таналари атрофи бетон қопламалари билан ёпиб қўйилганлиги юзасидан келиб тушган мурожаат ўрганилди. Тошкент шаҳар Экология ва иқлим ўзгариши бош бошқармаси Экополициясининг Олмазор тумани бўлими ходимлари томонидан жойига чиқилган ҳолда текширув ўтказилди.
Ўзбекистон миллий терма жамоаси ноябрь ойидаги халқаро ўртоқлик учрашуви доирасида Россия терма жамоасига қарши майдонга тушади. Беллашув 12 ноябрь куни Тошкентдаги «Пахтакор» марказий стадионида бўлиб ўтади ва соат 20:00 да старт олади.
Ўзэнергоинспекциянинг ОАВ учун контент тайёрлаш марказида ўтказилган матбуот анжуманида жорий йилнинг ўтган давридаги назорат натижалари тақдим этилди. Маълум қилинишича, энергия ресурсларидан ноқонуний фойдаланиш ва бошқа қоидабузарликлар билан боғлиқ 3 060 та ҳолат аниқланган.