2026 йил 5 август куни Тошкент шаҳридаги Чуқурсой темир йўл станциясида Беларусдан Ўзбекистонга биринчи марта йўлга қўйилган тўғридан-тўғри «Славян карвони» маршрут юк поездини кутиб олиш маросими бўлиб ўтди. Тадбирда «Ўзбекистон темир йўллари» АЖ, «Темирйўлинфратузилма» АЖ, «Тошкент минтақавий темир йўл узели» филиали раҳбарияти, Беларусь Республикасининг Ўзбекистондаги элчихонаси вакиллари ҳамда оммавий ахборот воситалари иштирок этди.
Уфа шаҳрида «Бошқирдистон — Ўзбекистон: ҳамкорликни янада кенгайтириш» бизнес-форуми ўз ишини бошлади. Тадбирда икки мамлакат ишбилармон доиралари вакиллари иштирок этмоқда.
Ўзбекистонда қимматли қоғозлар бозорида инвестиция воситачиси сифатида фаолият юритган «Тошкент Инвестиция Мажмуи» МЧЖнинг лицензияси бекор қилинди. Маълум қилинишича, қарор «Лицензиялаш, рухсат бериш ва хабардор қилиш тартиб-таомиллари тўғрисида»ги Қонуннинг 33-моддаси ҳамда қимматли қоғозлар бозорида инвестиция воситачиси ва инвестиция активларини ишончли бошқарувчи фаолиятини лицензиялаш тартиби тўғрисидаги низомнинг 49-бандига мувофиқ қабул қилинган.
Иккиламчи бозорга енгил автомобиллар бўйича жами савдоларнинг тахминан 61% тўғри келди. Шу билан бирга, иккиламчи бозордаги ўсиш суръати (16%) бирламчи бозордаги савдолар ўсишидан (11%) юқори бўлди.
Тошкент шаҳрида 2026 йил апрель ойида фаолият бошлаган халқаро тоифадаги беш юлдузли DoubleTree by Hilton меҳмонхонасига давлат субсидиясини топшириш маросими бўлиб ўтди. Унда Туризм қўмитаси раҳбарияти, меҳмонхона соҳаси вакиллари ҳамда оммавий ахборот воситалари иштирок этди.
Ўзбекистон Марказий банки асосий ставкани ўзгаришсиз қолдириб, уни 14 фоиз даражасида сақлаш тўғрисида қарор қабул қилди. Марказий банк маълумотига кўра, 2026 йил июнь ойида йиллик умумий инфляция 6,4 фоизга етди.
“Паррандачилик соҳасини кўллаб-қувватлаш бўйича қўшимча чора-тадбирлар тўғрисида”ги Президент қарори (ПҚ–274-сон, 23.07.2026 й.) қабул қилинди. Қарорга кўра, паррандачилик хўжаликлари, парранда омухта еми ишлаб чиқарувчи тадбиркорлар ҳамда “тайёр бизнес” лойиҳаларини молиялаштириш учун Тикланиш ва тараққиёт жамғармасидан “Микрокредитбанк” АТБга йўналтирилган маблағлар ҳисобидан кредитлар 2026 йил 1 сентябрдан бошлаб 10 фоиз ставкада ажратилади.
Сентябрь ойи охирида Тошкент шаҳрида МБИР реактори негизидаги Халқаро тадқиқотлар маркази (МБИР ХТМ) Маслаҳат кенгашининг учинчи йиғилиши бўлиб ўтади. Унда турли мамлакатлардан 100 га яқин олим ва эксперт иштирок этиши кутилмоқда.
«Ўзтемирйўлконтейнер» акциядорлик жамияти вагон парки яна икки контейнер поезди таркиби билан тўлдирилди. Бу транспорт-логистика хизматлари имкониятларини кенгайтириш ва халқаро юк ташиш ҳажмини оширишга қаратилган чоралар доирасида амалга оширилди.
Макроиқтисодий ва ҳудудий тадқиқотлар институти ҳамда Фарғона давлат техника университети ҳамкорлигида университет ҳузурида «Қурилиш материаллари саноати форсайт офиси» фаолияти йўлга қўйилди. Лойиҳани амалий жиҳатдан қўллаб-қувватлаш мақсадида стратегик инновациялар ва сунъий интеллект соҳасидаги халқаро эксперт Самер Шидиак Фарғона вилоятига таклиф этилди.
Энергетика вазирлигининг хабар беришича, Ўзбекистон ягона энергетика тизимида 2026 йил 18 июль куни, шанба куни бўлишига қарамай, аномал иссиқ ҳаво таъсирида ёзги мавсум учун суткалик электр энергияси истеъмоли 294,4 млн кВт·соатни ташкил этиб, янги рекорд қайд этилди.Мазкур кўрсаткич ўтган йил ёзги мавсумида қайд этилган энг юқори натижадан 21,8 млн кВт·соатга ёки 8 фоизга, шунингдек, 17 июльдаги истеъмол ҳажмидан1 млн кВт·соатга ёки 0,34 фоизга юқори бўлди.
Ўзбекистон Республикаси Президенти Шавкат Мирзиёев 17 июль куни амалий ташриф билан мамлакатимизга келган Озарбайжон Республикаси иқтисодиёт вазири Микойил Жабборовни қабул қилди. Учрашув аввалида Озарбайжон иқтисодиёт вазири давлат раҳбарига Президент Илҳом Алиевнинг самимий саломи ва эзгу тилакларини етказди.
2026 йил II чорагида банк сектори барқарор ривожланиш динамикасини сақлаб қолди. Активлар ўсиш суръати бироз секинлашганига қарамай, депозит базаси ва даромадлилик ошди, муаммоли кредитлар ҳамда долларлашув даражаси пасайди, капиталлашув эса юқори даражада сақланди.
Хитой-Қирғизистон-Ўзбекистон темир йўли қурилиши тасдиқланган жадвал асосида амалга оширилмоқда. Бу ҳақда транспорт вазири Илҳом Маҳкамов «Хитой давлат темир йўллари» корпорацияси раиси ўринбосари Ван Цзиньси билан учрашув якунлари бўйича маълум қилди.
Янги Тошкент халқаро аэропортини қуриш лойиҳаси доирасида атроф-муҳитга таъсирни баҳолаш ва давлат экологик экспертизасини ўтказиш масалаларига бағишланган ишчи учрашув бўлиб ўтди. Давлат экологик экспертизаси марказида ташкил этилган тадбир Ўзбекистон Республикаси Президентининг «Янги Тошкент халқаро аэропортини қуриш лойиҳасини амалга ошириш чора-тадбирлари тўғрисида»ги қарори ижроси доирасида ўтказилди.
Ўзбекистон капитал бозорида янги молиявий инструмент — ипотека облигациялари муомалага киритилди. Мамлакат тарихида илк бор ипотека кредитлари билан таъминланган қимматли қоғозлар эмиссия қилиниб, улар бўйича биринчи биржа битими амалга оширилди.
“Автомобиль транспортида юк ташувларини амалга оширувчи тадбиркорлик субъектлари фаолиятини қўллаб-қувватлашга қаратилган қўшимча чора-тадбирлар тўғрисида”ги Президент қарори (ПҚ–251-сон, 07.07.2026 й.) қабул қилинди. Қарорга кўра, юк ташиш учун мўлжалланган, ишлаб чиқарилганига 5 йилдан ошмаган қуйидаги транспорт воситаларини (самосваллардан ташқари) 2027 йил 31 декабрга қадар Ўзбекистонга импорт қилишда уларга божхона божи ва утилизация йиғимининг 0 ставкалари қўлланилиши белгиланди: «Евро-5» ва ундан юқори экологик тоифа талабларига мос келадиган автотранспорт воситалари (ТИФ ТН кодлари 8701 21, 8701 22, 8701 23, 8701 24); ва тўла вазни 15 тоннадан ортиқ ёки юкхонасининг ички ҳажми камида 76 метр куб бўлган ярим тиркамалар (ТИФ ТН коди 8716 39).
Ўзбекистонда Президентнинг тадбиркорлар билан анъанавий Очиқ мулоқотига тайёргарлик ишлари фаол давом этмоқда. Бу йил олтинчи марта ташкил этилаётган мулоқот давлат ва бизнес ўртасидаги ҳамкорликни мустаҳкамлаш, тадбиркорларни қийнаётган тизимли муаммоларни аниқлаш ва уларга амалий ечимлар ишлаб чиқишга қаратилган.
Россиянинг Екатеринбург шаҳрида 6–9 июль кунлари ўтказилаётган «ИННОПРОМ–2026» халқаро саноат кўргазмасида Ўзбекистон миллий экспозицияси билан иштирок этмоқда. Инвестициялар, саноат ва савдо вазирлиги маълумотига кўра, республика миллий стендида қишлоқ хўжалиги, кимё, фармацевтика, тўқимачилик, электротехника, автомобилсозлик ва бошқа тармоқларда фаолият юритаётган маҳаллий ишлаб чиқарувчилар маҳсулотлари намойиш этилмоқда.
Президентнинг «Балиқчилик тармоғини ривожлантиришга оид қўшимча чора-тадбирлар тўғрисида»ги фармонига мувофиқ, Сув хўжалиги вазирлиги ҳузурида Балиқчиликни ривожлантириш маркази ҳамда унинг ҳудудий бўлинмалари ташкил этилади. Янги марказ балиқчилик соҳасида ягона давлат бошқаруви тизимини йўлга қўйиш, сув объектларидан самарали фойдаланишни ташкил этиш, илмий ёндашувларни кенг жорий этиш ҳамда тадбиркорларни тизимли қўллаб-қувватлаш билан шуғулланади.
Бош прокуратура ҳузуридаги Департаментнинг Андижон вилояти бошқармаси томонидан ўтказилган терговга қадар текширувда фуқаро Ё.Қ. ва бошқалар ўзаро тил бириктириб, 5 та МЧЖга бошқа МЧЖлар томонидан 2,2 трлн сўмлик маҳсулотлар етказиб берилганлиги ҳақида соҳта электрон ҳисоб-фактураларни расмийлаштириб, гўёки савдодан тушган пулларни назорат касса машиналари орқали кирим қилиб, фуқароларга сотганлиги ҳақида харид чекларини чиқариб, 94 921 нафар фуқаро ва ижтимоий ҳимоя реестрига киритилган шахсларга “Soliq Mobile” иловаси орқали “Keshbek” сифатида тўлаб бериб, 38,3 млрд сўм бюджет маблағларини ўзлаштириш ва растрата қилиш йўли билан талон-торож қилганликлари аниқланган.
Ижтимоий тармоқларда Тошкент шаҳри Яккасарой туманидаги “Дилбоғ” маҳалласи ҳудудида жойлашган қурилиш объектида содир бўлган ҳолат муҳокамаларга сабаб бўлди. Мазкур воқеа юзасидан ваколатли идоралар томонидан текширув ишлари бошланган.
Озарбайжон давлат нефть компанияси SOCAR Ўзбекистон нефтини халқаро бозорларга экспорт қилишни бошлади. Бу ҳақда SOCARнинг халқаро бизнесни ривожлантириш департаменти директори Тоғрул Кочарли Бокуда Қора денгиз савдо ва тараққиёт банки Бошқарувчилар кенгаши йиғилиши доирасида ўтказилган форумда маълум қилди.
Жамоатчилик муҳокамаси учун эълон қилинган қарор лойиҳасига кўра, фуқаронинг пластик картасига бир ой давомида бошқа шахслардан келиб тушган пуллар миқдори 500 БҲМдан (ҳозирги ҳисобда 187,5 млн сўмдан) ошса, банклар бу ҳақда солиқ органларига автоматик равишда маълумот узатиши кўзда тутилмоқда. Бунда яқин қариндошлар орасидаги ўтказмалар мустасно.
“Тошкент” Республика фонд биржасида халқаро инвестиция компаниялари вакиллари иштирокида учрашув бўлиб ўтди. Тадбирда WOOD & Company бошчилигидаги делегация ҳамда жаҳон молия бозорининг нуфузли иштирокчилари қатнашди.
Ўзбекистонда аҳолининг даромадларини қўллаб-қувватлашга қаратилган навбатдаги қарор қабул қилинди. Президентнинг “Иш ҳақи, пенсиялар, стипендиялар ва нафақалар миқдорини ошириш тўғрисида”ги фармонига мувофиқ, жорий йилнинг иккинчи ярмидан бошлаб бир қатор ижтимоий тўловлар ва иш ҳақи миқдорлари оширилади.
Ўзбекистонда нақд пулсиз ҳисоб-китобларни янада ривожлантириш ва замонавий тўлов хизматларини кенгайтириш мақсадида ягона QR-тўлов тизими UzQR жорий этилди. Янги тизим фойдаланувчиларга исталган банк ёки тўлов иловаси орқали битта QR-код ёрдамида тўловларни амалга ошириш имконини беради.
Президент Шавкат Мирзиёев Наманган вилоятининг Тўрақўрғон туманида барпо этилаётган “Наманган қўйчилик кластери” фаолияти билан танишди. Йирик инвестиция лойиҳаси чорвачилик соҳасини замонавий асосда ривожлантириш, гўшт ишлаб чиқариш ҳажмини ошириш ва янги иш ўринлари яратишга хизмат қилиши кутилмоқда.
Франциянинг Voltalia компанияси билан ҳамкорликда амалга оширилаётган агровольтаик лойиҳа доирасида қуввати 500 киловатт бўлган қуёш электр станцияси қурилишига старт берилди. Шу муносабат билан ташкил этилган тадбирда Энергетика вазирлиги, Қишлоқ хўжалиги вазирлиги, Қишлоқ хўжалигида билим ва инновациялар миллий маркази, Сабзавот-полиз экинлари ва картошкачилик илмий-тадқиқот институти вакиллари ҳамда «Voltalia» компаниясининг бош ижрочи директори Роберт Клейн иштирок этди.
Европа тикланиш ва тараққиёт банки (ЕТТБ) Ўзбекистоннинг қурилиш материаллари саноатидаги йирик корхоналаридан бири бўлган «Khorezm Insulation Group» (KIG) компаниясини қўллаб-қувватлаш мақсадида 29 миллион АҚШ долларигача миқдорда кредит ажратади. Молиявий маблағлар компаниянинг молиявий барқарорлигини мустаҳкамлаш, балансини қайта тузиш ҳамда ишлаб чиқариш қувватларини кенгайтириш дастурини амалга оширишга йўналтирилади.