Хўжанд шаҳрида бўлиб ўтган Иккинчи Фарғона тинчлик форумида Фарғона водийси мамлакатлари ўртасида ишонч, яхши қўшничилик ва амалий ҳамкорликни янада мустаҳкамлашнинг устувор йўналишлари белгилаб олинди. Ўзбекистон Республикаси Президенти ҳузуридаги Стратегик ва минтақалараро тадқиқотлар институти (СМТИ) директори Элдор Арипов 28–29 сентябрь кунлари Тожикистон Республикаси Суғд вилоятининг Хўжанд шаҳрида ўтказилаётган «Фарғона водийси: тинчлик, ишонч ва фаровонлик макони» мавзусидаги Иккинчи Фарғона тинчлик форумида нутқ сўзлади.
Самарқанд вилоятида 2026-2027 ўқув йили арафасида 138 та мактабни янги жиҳозлар билан таъминлаш лозим эди. Мактаб бинолари, синф хоналари тайёрлаб қўйилди, аммо жиҳозлардан ҳозиргача дарак йўқ.
Вазирлар Маҳкамасининг тегишли қарорига мувофиқ, 2027 йил 1 январдан эътиборан Пенсия жамғармаси томонидан фуқаролардан қоғоз шаклидаги ҳужжатлар ва маълумотларни қабул қилиш амалиёти тўлиқ бекор қилинади. Шунга кўра, имтиёзли шартларда пенсия тайинлаш 2026 йил 1 ноябрдан, пенсиянинг бошқа турига ўтказиш бўйича мурожаатлар 1 декабрдан, пенсия тўловини нақд пул шаклига ўтказиш ва тўхтатиб турилган тўловларни тиклаш эса 2027 йил 1 январдан бошлаб фуқароларнинг хоҳишига кўра интерактив (электрон) шаклда амалга оширилади.
Қашқадарё вилоятининг Ғузор туманидаги 51-сонли умумий ўрта таълим мактаби ўқувчиларида заҳарланиш аломатлари кузатилгани юзасидан расмий ахборот берилди. Маълум қилинишича, 23 сентябрь куни соат 11:45 ларда дастлаб 21 нафар ўқувчи кўнгил айниши ва бош оғриғи каби аломатлар билан Ғузор туман тиббиёт бирлашмасига олиб келинган.
28 сентябрь куни пойтахтимизда Инсон ҳуқуқлари бўйича бешинчи Самарқанд форуми очилди. Форумнинг ялпи йиғилишларида 2 та Халқаро пактнинг олтмиш йиллик тажрибаси, ривожланиш ҳуқуқининг универсал инсон ҳуқуқи сифатидаги аҳамияти, глобал ҳамжиҳатлик ва замонавий чақириқларга жавобан халқаро ва миллий инсон ҳуқуқлари тизимини янада кучайтириш масалалари атрофлича муҳокама қилинди.
28 сентябрь куни пойтахтимизда иш бошлаган Инсон ҳуқуқлари бўйича бешинчи Самарқанд форумининг Юқори даражадаги мажлиси “Халқаро мажбуриятлардан – самарали амалга оширишга: инсон ҳуқуқлари соҳасидаги миллий имплементация механизмларининг роли” мавзусидаги юбилей мажлисига уланиб кетди. Ушбу тадбир Инсон ҳуқуқлари бўйича Ўзбекистон Республикаси Миллий маркази ташкил этилганининг 30 йиллигига бағишланди.
Олий Мажлис Қонунчилик палатасига “Адолат” СДП фракцияси ташаббуси билан болаларни зўравонликнинг барча шаклларидан ҳимоя қилиш тизимини такомиллаштиришга қаратилган қонун лойиҳаси киритилди. Қонунчилик палатаси Кенгашининг йиғилишида ушбу ҳужжатни навбатдаги ялпи мажлис кун тартибига киритиш бўйича тегишли қарор қабул қилинди ва Демократик институтлар ва фуқаролик жамиятини ривожлантириш масалалари қўмитаси масъул этиб белгиланди.
Президент Шавкат Мирзиёев мактаб ва олий таълим тизимида амалга оширилаётган ислоҳотларнинг навбатдаги босқичи бўйича тақдимотлар билан танишди. Янги авлод дарсликларини жорий этиш доирасида 2027 йилга қадар 1 342 номдаги дарслик ва ўқув-методик қўлланмалар тайёрланади.
28 сентябрь куни пойтахтимизда Инсон ҳуқуқлари бўйича бешинчи Самарқанд форуми тантанали очилиш маросимидан сўнг Форумнинг Юқори даражадаги мажлиси бўлди. Ушбу нуфузли тадбир “Инсон ҳуқуқлари тўғрисидаги халқаро пактлар, ривожланиш ҳуқуқи ва глобал ҳамжиҳатлик: замонавий таҳдидлар шароитида янги қараш” мавзусига бағишланди.
Қашқадарё вилоятида суд «Ўзбекнефтегаз»дан 8,8 млрд сўм миқдорида экологик компенсация ундириш ҳақидаги даъвонинг асосий қисмини рад этди. Натижада компаниядан 676 133 сўм ундириш белгиланди.
27 сентябрь куни Шаҳрисабз шаҳрида илк бор халқаро туркумдаги Silk Road Uzbekistan оммавий югуриш мусобақаси бўлиб ўтди. Югуриш ишқибозлари, талабалар, югуриш клублари аъзолари, блогерлар ва профессионал спортчилар Оқсаройнинг муҳташам деворлари олдида стартга чиқди.
Бош прокуратура ҳузуридаги Департаментнинг Қува тумани бўлими томонидан тадбиркорлик субъектлари ҳуқуқларини ҳимоя қилиш юзасидан терговга қадар текширув ўтказилди. Текширувда беш нафар фуқаро ўзаро тил бириктириб, ҳеч қаерда расман ишламаса-да, ўзларини Миллий гвардияга қарашли ҳарбий қисм хизматчилари сифатида кўрсатгани аниқланган.
Президент Фармонига мувофиқ, тўлов интизомига риоя қилувчи тадбиркорлик субъектларини қўллаб-қувватлаш ҳамда уларнинг айланма маблағларини тежаш мақсадида “намунали истеъмолчи” мақоми жорий этилди. Янги тартибга кўра, тегишли автоматик ҳисобга олиш тизимларига (ЭҲНАТ ва ТГНҲАТ) уланган, муддати ўтган қарздорлиги ва қоидабузарликлари бўлмаган корхоналар эндиликда электр энергияси ва табиий газ учун 100 фоиз эмас, балки ойлик истеъмол қийматининг атиги 15 фоизини олдиндан тўлайдилар.
Ўзбекистон Республикаси Президенти Администрацияси раҳбари Саида Мирзиёева Абу-Даби шаҳрида Бирлашган Араб Амирликлари Президенти Шайх Муҳаммад бин Зоид Ол Наҳаён билан учрашув ўтказди. Олий даражадаги мулоқот чоғида Ўзбекистон ва Бирлашган Араб Амирликлари ўртасидаги савдо-иқтисодий ва инвестициявий ҳамкорлик алоқаларини янада кенгайтириш, шунингдек, замонавий сунъий интеллект технологияларини ривожлантириш ва соҳада тажриба алмашиш масалалари атрофлича муҳокама қилинди.
2026 йил 1 октябрдан Тошкент шаҳрида автобус ва метрода бир марталик қатнов учун электрон тўлов 2 500 сўм бўлади. Нақд пулда тўлаш тарифи 3 000 сўмлигича қолади.
Ўзбекистон эркаклар асосий миллий жамоаси Самарқандда ўтаётган Бутунжаҳон шахмат Олимпиадасининг 11-турида Украина устидан 2,5:1,5 ҳисобида ғалаба қозонди. Мусобақанинг ҳал қилувчи турида Нодирбек Якуббоев, Жавоҳир Синдаров ва Нодирбек Абдусатторов дуранг қайд этган бўлса, Муҳиддин Мадаминов ўз партиясида ғалаба қозонди.
Таиланд пойтахти Бангкок шаҳрида бир неча кундан буён давом этаётган кучли жала сабабли фавқулодда ҳолат эълон қилинди. Айрим ҳудудларда бир суткада 210 мм гача ёғингарчилик қайд этилиб, шаҳарнинг барча 50 та тумани сув остида қолди.
Прогрессив ислоҳотлар маркази томонидан мамлакат ҳудудларининг ижтимоий-иқтисодий ривожланишини комплекс баҳоловчи Прогрессив рейтинг учинчи бор эълон қилинди. Мазкур тадқиқот ҳудудлардаги ҳолатни соғлиқни сақлаш, таълим, иқтисодиёт, инфратузилма, имкониятлар, жамоат хавфсизлиги ва табиий муҳитдан иборат еттита асосий йўналиш бўйича баҳолаб, сўнгги уч йиллик динамикани кўрсатиб беради.
Президентнинг 2026 йил 22 сентябрдаги ПФ-202-сонли Фармонига асосан, ёнилғи-энергетика тармоғини ислоҳ қилиш доирасида электр таъминоти белгиланган муддатларда қайта тикланмаган ҳолларда истеъмолчиларга компенсация тўлаш тизимини жорий этиш режалаштирилмоқда. Тегишли низом лойиҳаси 2026 йилнинг декабрь ойига қадар ишлаб чиқилиб, вазирлик ва идоралар билан келишилгач, Вазирлар Маҳкамасига киритилиши кўзда тутилган.
2026 йил 1 декабрдан эътиборан корхона ва ташкилотларда содир бўлган бахтсиз ҳодисалар ҳамда ишлаб чиқаришдаги жароҳатланишлар «Xavfsiz mehnat» ягона электрон тизими орқали мажбурий тартибда қайд этилади. Янги тартибга кўра, нохуш ҳодиса юз берган тақдирда, иш берувчи 24 соат ичида Давлат меҳнат инспекцияси, юқори турувчи ташкилот ва ички ишлар органларига электрон шаклда хабарнома юбориши шарт.
Мамлакатимизда маҳалла тизимини ривожлантиришга катта эътибор қаратилмоқда, МФЙлар фаолиятини ташкил этишга салмоқли мабалағ ажратилмоқда, маҳалла раиси ва “еттилик”нинг бошқа аъзоларига тегишли ваколатлар берилган. Аммо нега шунча эътиборга қарамасдан маҳаллалар кўнгилдагидек ишни ташкил этиб, аҳолининг оғирини енгил қилишга эришмаяпти?
2026 йилнинг 24–27 сентябрь кунлари Токио шаҳрида ўтказилаётган дунёдаги энг йирик туризм анжуманларидан бири — Tourism EXPO Japan 2026 кўргазмасида Ўзбекистон миллий делегацияси фаол иштирок этмоқда. Мамлакатимиз шарафини “Uzbekistan Airways” миллий авиакомпанияси ҳамда “Tourlink”, “Megatour”, “Assalam Travel”, “Moel Bosh” ва “Elite Cars Travel” каби етакчи сайёҳлик корхоналари вакиллари ҳимоя қилмоқда.
Миллий статистика қўмитаси маълумотларига кўра, 2026 йилнинг январь–июль ойларида Ўзбекистонда кўрсатилган бозор хизматлари ҳажми 802,5 трлн сўмни ташкил этган. Бу кўрсаткич 2025 йилнинг мос даврига нисбатан 16,7 фоизга ошган.
«Ўзбекистон Республикасининг Маъмурий жавобгарлик тўғрисидаги кодекси 288-моддаси иккинчи қисмининг Ўзбекистон Республикаси Конституциясига мувофиқлигини аниқлаш ҳақида»ги Ўзбекистон Республикаси Конституциявий судининг қарори (ҚСҚ–8-сон, 2026 йил 22 сентябрь) қабул қилинди. Ўзбекистон Республикаси Олий Мажлисининг Инсон ҳуқуқлари бўйича вакили – омбудсман Конституциявий судга мурожаат қилиб, Маъмурий жавобгарлик тўғрисидаги кодекс 288-моддаси иккинчи қисмининг Ўзбекистон Республикаси Конституцияси 27-моддаси учинчи қисмига мувофиқлигини аниқлашни сўраган.
Ўзбекистонда туғилган Давуд Ансари, шунингдек, Қозимжон Ғафуров номи билан танилган шахс Грузияда қўлга олиниб, АҚШга экстрадиция қилинди. АҚШ ҳукумати уни ИШИД ва «Ан-Нусра фронти»га моддий ёрдам кўрсатиш, шунингдек, бундай ёрдамни ташкил этиш мақсадида тил бириктиришда айбламоқда.
Ўзбекистон Республикаси мудофаа вазири генерал-лейтенант Шуҳрат Халмухамедов Қозоғистон Республикаси ҳарбий-деңиз кучлари ҳарбий хизматчиларининг ҳалок бўлгани муносабати билан Тошкент шаҳридаги Қозоғистон Элчихонасига ташриф буюрди. Вазирлик раҳбари қўшни давлатнинг мамлакатимиздаги дипломатик ваколатхонасида бўлиб, фожиа муносабати билан чуқур таъзия изҳор этди ҳамда Қозоғистон халқига, марҳумларнинг оила аъзолари ва яқинларига самимий ҳамдардлик билдирди.
Қозоғистон Ҳарбий-деңиз кучларининг Каспий денгизида (Манғистау вилояти) ўтказилаётган “Каспий мудофааси – 2026” машғулотлари вақтида об-ҳавонинг кескин ёмонлашиши ва кучли шамол сабабли 17 нафар ҳарбий очиқ денгизга оқиб кетган. Олиб борилган қутқарув ҳаракатлари давомида 12 нафар ҳарбий хизматчининг ҳалок бўлгани аниқланди, 3 киши қутқариб олинди ва 2 нафарини қидириш ишлари давом этмоқда.
Вазирлар Маҳкамасининг 2026 йил 22 сентябрдаги 508-сон қарорига мувофиқ, жорий йилнинг 24 декабридан эътиборан Тошкент шаҳрида ушланган автомобилларни жарима майдончасига олиб келиш, сақлаш ва олиб чиқишнинг янги тартиби кучга киради. Янгиликнинг асосий моҳияти шундаки, барча жараёнлар «Жарима майдончаси» модули орқали тўлиқ электрон форматга ўтказилади.
Ички ишлар вазирлиги Шахсий хавфсизлик бош бошқармаси фуқаролар ва соҳа ходимлари билан тўғридан-тўғри алоқа ўрнатиш мақсадида @iiv_shxbb_bot махсус Telegram-ботини ишга туширди. Ушбу электрон платформа орқали ички ишлар органлари ходимларининг коррупция, тамагирлик, ноўрин хатти-ҳаракатлари ҳамда хизмат фаолиятида дуч келинаётган муаммолар ҳақида тезкор хабар бериш имконияти яратилди.
Омар Мансур Лондон мода ҳафталиги доирасида «The Living Loom» («Жонли тўқув дастгоҳи») коллекциясини тақдим этди. Бу дизайнернинг мода ҳафталигидаги 21-иштироки бўлди.