Ўзбекистон терма жамоаси Тошкентда ўтказилган ўсмирлар ва ёшлар ўртасидаги оғир атлетика бўйича Осиё чемпионатини 51 та медаль билан якунлади. Мусобақанинг сўнгги куни Олимпия шаҳарчасида энг оғир вазн тоифасида медаллар учун баҳслар бўлиб ўтди.
2026 йил 14 август куни Бухоро вилояти Пешку туманидаги Афшона қишлоғида буюк олим Абу Али ибн Сино ватанида II Халқаро Авиценна марши ўтказилди. Тадбир турли мамлакатлар олимларини илм-фан, гуманизм ва инсониятга хизмат қилиш ғоялари атрофида бирлаштирди.
Ўзбекистонда 2026/2027 ўқув йили учун олий таълим муассасаларига кириш тест синовларининг якуний натижалари эълон қилинди. Натижаларни қуйидаги тартибда текшириш мумкин: my.uzbmb.uz — паспорт серияси ва рақами ҳамда абитуриентнинг шахсий идентификация рақами орқали; mandat.uzbmb.uz — абитуриент ID рақами орқали.
Миллий статистика қўмитаси маълумотларига кўра, 2026 йилнинг 1 июль ҳолатига Ўзбекистонда фаолият юритаётган туроператорлар, турагентлар ва бошқа туризм соҳасида хизмат кўрсатувчи тадбиркорлик субъектлари сони 3 455 тани ташкил этган. Бу кўрсаткич ўтган йилнинг мос даврига нисбатан 676 тага ёки 24,3 фоизга ошган.
15 август куни Ўзбекистонда иссиқ ва қуруқ об-ҳаво сақланиб қолади. Мамлакат ҳудудида ёғингарчилик кутилмайди, деб хабар берди Ўзгидромет матбуот хизмати.
Давлат раҳбари томонидан 25-июнь куни ўтказилган видеоселектор йиғилишида белгиланган топшириқлар ижроси доирасида Макроиқтисодий ва ҳудудий тадқиқотлар институти (МҲТИ) томонидан Жиззах вилоятида мавжуд иқтисодий салоҳият ва ички захираларни ишга солишга қаратилган илмий-амалий ечимлар ишлаб чиқилди. Мазкур жараёнда “Ақл маркази – ҳокимлик – Халқ депутатлари Кенгаши” ҳамкорлиги илмий тадқиқот натижаларини ҳудудий бошқарув қарорларига татбиқ этиш ва улар асосида амалий чораларни белгилаш механизми сифатида қўлланилди.
Ўзбекистон Республикаси Вазирлар Маҳкамаси ҳузуридаги Макроиқтисодий ва ҳудудий тадқиқотлар институти (МҲТИ)да Барқарор ривожланиш мақсадлари (БРМ) ойлиги доирасида БРМ да кўзда тутилган мақсад ҳамда вазифаларнинг ҳудудларда амалга оширилиши ва Ихтиёрий маҳаллий шарҳларни тайёрлашга бағишланган семинар ўтказилди. Семинарда 14 та ҳудуддаги 41 та олий таълим муассасасининг 100 нафардан ортиқ олим ва тадқиқотчилари иштирок этди.
Уй ҳайвонларининг ҳам энди ўз ҳужжатлари бўлади. Паспортда ҳайвоннинг номи, зоти, ранги ва туғилган санаси, эгасининг маълумотлари, шунингдек, эмлаш, чип ўрнатиш ва стерилизация ҳақидаги маълумотлар кўрсатилади.
Бухоро давлат техника университетида Германия халқаро ҳамкорлик жамияти (GIZ) кўмагида Интеграцион халқаро консалтинг компанияси эксперти Атанас Кочов ҳамда Макроиқтисодий ва ҳудудий тадқиқотлар институти (МҲТИ) мутахассислари иштирокида ўқув-семинари ташкил этилди. Саноат корхонлари, вилоят ҳокимлиги, туман ва шаҳар ҳокимликлари, Иқтисодиёт ва молия бош бошқармаси, олий таълим муассасалари, оммавий ахборот воситалари вакиллари иштирок этган семинарда корхоналарда ишлатилмаётган ресурслардан самарали фойдаланиш ва тоза ишлаб чиқариш (RECP), Lean Management, Six Sigma методологиялари ҳамда ISO сертификатлаш тизими бўйича энг долзарб амалий билимлар тақдим этилди.
Ўзбекистонда болага отасининг исмини фамилия сифатида бериш имкониятини жорий этиш таклиф этилмоқда. Тегишли қонун лойиҳаси Сенат томонидан маъқулланган.
Миллий статистика қўмитаси маълумотларига кўра, 2026 йилнинг январь–июнь ойларида Ўзбекистонда 637,2 трлн сўмлик саноат маҳсулотлари ишлаб чиқарилган. Ҳудудлар кесимида саноат маҳсулотлари ишлаб чиқариш ҳажми: Навоий вилояти — 155 трлн сўм; Тошкент шаҳри — 109,6 трлн сўм; Тошкент вилояти — 100 трлн сўм; Андижон вилояти — 54,2 трлн сўм; Самарқанд вилояти — 32,7 трлн сўм; Фарғона вилояти — 29,6 трлн сўм; Бухоро вилояти — 26,3 трлн сўм; Қашқадарё вилояти — 25,5 трлн сўм; Жиззах вилояти — 20,3 трлн сўм; Наманган вилояти — 20,3 трлн сўм; Хоразм вилояти — 18 трлн сўм; Қорақалпоғистон Республикаси — 15 трлн сўм; Сирдарё вилояти — 13,8 трлн сўм; Сурхондарё вилояти — 9,6 трлн сўм.
Тошкент шаҳрида ЙҲХБ ходимларининг транспорт воситасини тўхтатиш ҳақидаги қонуний талабига бўйсунмаган мотоциклчига нисбатан маъмурий чора кўрилди. Ҳодиса «Янги Ўзбекистон» боғи яқинидаги йўлда содир бўлган.
Миллий статистика қўмитаси маълумотларига кўра, 2026 йил 1 июль ҳолатига Ўзбекистонда фаолият юритаётган якка тартибдаги тадбиркорлар (ЯТТ) сони 375 071 нафарни ташкил этган. Ҳудудлар кесимида ЯТТлар сони: Тошкент шаҳри — 58 088 нафар; Фарғона вилояти — 40 259 нафар; Самарқанд вилояти — 37 365 нафар; Тошкент вилояти — 35 173 нафар; Андижон вилояти — 31 683 нафар; Қашқадарё вилояти — 27 542 нафар; Наманган вилояти — 27 003 нафар; Бухоро вилояти — 22 383 нафар; Қорақалпоғистон Республикаси — 22 053 нафар; Сурхондарё вилояти — 20 302 нафар; Хоразм вилояти — 18 965 нафар; Жиззах вилояти — 14 339 нафар; Сирдарё вилояти — 10 286 нафар; Навоий вилояти — 9 630 нафар.
Ўзбекистон Фанлар академияси ва «Ўзбекистон ТМК» АЖ ўртасида илмий ишланмаларни ишлаб чиқаришга жорий этиш бўйича ҳамкорлик янги босқичга чиқмоқда. Фанлар академияси олимларининг компанияга ташрифи давомида Технологиялар трансфери офисини ташкил этиш бўйича келишувга эришилди.
Миллий статистика қўмитаси маълумотларига кўра, иқтисодиёт ва ижтимоий соҳани ривожлантириш учун 2026 йил январь–июнь ойларида барча молиялаштириш манбалари ҳисобидан 338,9 трлн сўм асосий капиталга инвестициялар ўзлаштирилган. Бу кўрсаткич 2025 йилнинг мос даврига нисбатан 17,5 фоизга ошган.
Адлия вазирлиги фермер хўжаликларининг бухгалтерия ҳисобини юритиш тартиби тўғрисидаги низомни давлат рўйхатидан ўтказди. Ҳужжат 2026 йил 11 августда 3921-сон билан рўйхатга олинди.
Ўзбекистон Республикаси Президентининг 2025 йил 2 апрелдаги ПҚ-134-сон қарорига асосан эҳтиёжманд оилаларга электр энергияси ва табиий газ бўйича белгиланган базавий меъёрдан ортиқ фойдаланилган қисми учун базавий меъёр доирасидаги ҳамда базавий меъёрдан ошган нархлар ўртасидаги фарқ компенсация қилиб берилмоқда. 2026 йилнинг 6 ойи давомида 562 918 та эҳтиёжманд оилага электр энергияси ва табиий газ учун жами 92,1 млрд сўм компенсация маблағлари тўлаб берилди.
ДХХ, Иқтисодий жиноятларга қарши курашиш департаменти ва Божхона қўмитаси ходимлари ҳамкорлигида ўтказилган тезкор тадбирда Наманган шаҳридаги уйлардан бирида сотиш мақсадида санитария қоидаларига зид равишда сақлаб келинаётган дори воситалари борлиги аниқланган. Хусусан, тегишли ҳужжатлари бўлмаган ҳамда сифати кафолатланмаган 56 турдаги жами 13184 дона дори воситалари, жумладан, “Сефотаксим”, “Бифидумбактерин”, “Атропин”, “Тидомет форте” ва бошқа турдаги препаратлар ашёвий далил сифатида олинган.
Ўзбекистонликлар Мустақиллик байрами муносабати билан 29 августдан 1 сентябрга қадар дам олади. Президент фармонига мувофиқ, 31 август, душанба куни иш ҳафтасининг туридан қатъи назар, барча ходимлар учун қўшимча дам олиш куни этиб белгиланган.
Олий Мажлис Сенатининг 18-ялпи мажлисида Ўзбекистоннинг БМТнинг Медиация натижасида эришилган халқаро тижорат келишувлари тўғрисидаги Сингапур конвенциясига қўшилиши назарда тутилган қонун маъқулланди. Конвенцияга қўшилиш қандай имкониятларни очади?
Жорий йилнинг 21–22 август кунлари Паркент тумани Заркент қишлоғида «Узум сайли» халқаро фестивали бўлиб ўтади. Фестиваль доирасида сара узум навлари ва қишлоқ хўжалиги маҳсулотлари ярмаркаси, халқаро конференция ташкил этилади.
Олий Мажлис қонунчилик палатасида Урбанизация ва уй-жой бозорини барқарор ривожлантириш миллий қўмитаси томонидан ишлаб чиқилган шаҳарсозлик соҳасида қонунчилик талабларига риоя этилишини таъминлаш, ноқонуний қурилишларнинг олдини олишга қаратилган қонун лойиҳаси кўриб чиқилди. Қонун лойиҳаси билан Шаҳарсозлик кодекси ва “Лицензиялаш, рухсат бериш ва хабардор қилиш тартиб-таомиллари тўғрисида”ги қонунга қатор ўзгартириш ва қўшимчалар киритиш назарда тутилмоқда.
2026 йил январь–июль ойларида Ўзбекистонга 7,74 миллион нафар хорижий сайёҳ ташриф буюрди. Бу кўрсаткич ўтган йилнинг шу даврига нисбатан 22,6 фоизга кўп, деб хабар берди Туризм қўмитаси.
2026 йил 5 август куни Фарғона вилояти Қўқон шаҳрида «DXB tour» МЧЖ раҳбари У.М. махсус «Умра» тадбирларини ташкил этиш ва ўтказиш фаолияти учун лицензияга эга бўлмаса-да, 2 нафар фуқарони умрага юборишни ваъда қилиб, хизмати эвазига 2 600 АҚШ доллари талаб қилгани аниқланган.
2026 йил 1 сентябрдан брутто-шартнома асосида фаолият юритаётган барча шаҳар автобусларида йўлкира ҳақини тўлаш бўйича янги тартиб кучга киради. Янги тартибга кўра, йўловчилар автобусга чиқиши билан йўлкира ҳақини тўлашлари шарт.
11 август куни кундузи Қорақалпоғистон Республикаси, Бухоро, Навоий, Тошкент ва Самарқанд вилоятларида, шунингдек, тоғли ҳудудларда айрим жойларда шамол тезлиги 9–14 м/с гача кучайиши мумкин. Кучли шамол айрим ҳудудларда чанг-тўзон билан кузатилиши кутилмоқда.
Ўзбекистон Президенти Шавкат Мирзиёев нефть-газ бозорида барқарорликни таъминлаш, иқтисодиёт ва аҳолини углеводород ресурслари билан узлуксиз таъминлаш чора-тадбирлари бўйича тақдимот билан танишди. Йиғилишда ишлаб чиқариш қувватлари ва аҳоли эҳтиёжларининг ортиши табиий газ ҳамда нефть маҳсулотларига талабни кўпайтираётгани қайд этилди.
Ўзбекистонда банкларда нақд хорижий валютани ҳужжат тақдим этмасдан харид қилиш лимити оширилди. Вазирлик ва идораларнинг норматив-ҳуқуқий ҳужжатларини қабул қилиш тартиби доирасида қабул қилинган ўзгартишларга кўра, энди банкларда 500 АҚШ долларигача бўлган нақд хорижий валютани харид қилишда паспорт, ID-карта ёки уларнинг ўрнини босувчи бошқа ҳужжат талаб этилмайди.
Миллий статистика қўмитаси маълумотларига кўра, 2026 йилнинг январь–июнь ойларида норасмий сектор томонидан 38,2 трлн сўмлик қурилиш ишлари бажарилган. Бу кўрсаткич 2025 йилнинг мос даврига нисбатан 6,9 фоизга ўсган.
Тошкент шаҳрида тиббий хизмат кўрсатиш сифати ва кадрлар билан таъминланганлик ҳолати танқидий-таҳлилий муҳокама қилинди. Соғлиқни сақлаш вазири Элдор Адилов пойтахт соғлиқни сақлаш бошқармаси ҳамда унга қарашли тиббиёт муассасалари раҳбарлари билан учрашув ўтказди.