Зеленский Макроннинг Олимпиада сулҳига оид таклифини рад этди

Владимир Зеленский Франция президенти Эммануэль Макроннинг Олимпия ўйинларида сулҳ тузиш ҳақидаги чақириғини рад этди.

Аввалроқ Макрон 2024 йилда Парижда бўлиб ўтадиган Олимпиада ўйинлари вақтида барча мавжуд можароларда ўт очишни тўхтатишга эришиш ниятида эканини айтганди. У бу ҳақда Украина президенти Зеленскийга ҳам телефон орқали хабар берган.

Зеленский, ўз навбатида, France-Presse журналистларига Макрондан “Россия бу вақтдан фойдаланиб ўз қўшинларини киритмаслигига ким кафолат бера олади”, деб сўраганини айтди. Зеленскийнинг сўзларига кўра, у “Россия қўлига ўйнайдиган ҳар қандай сулҳга қарши”.

Олимпия ўйинлари 2024 йилнинг 26 июлидан 11 августига қадар бўлиб ўтади.