[ sport ] 1 Mart 2022
Алишер Усмонов Халқаро қиличбозлик федерацияси президенти лавозимини тарк этди
«2022 йилнинг 28 февралида Европа Иттифоқининг санкциялари остида қолдим. Бу қарорни адолатсиз деб биламан. Жазо чоралари шаъним, қадр-қимматим ва ишчанлик обрўйимга путур етказувчи ёлғон айбловлар тўпламидир.
Ўз шаъним ва обрўйимни ҳимоя қилиш учун барча қонуний воситалардан фойдаланаман.
Шу тариқа адолат қарор топмагунча, FIE президенти сифатидаги вазифамни тўхтатаман», — деб ёзади Усмонов ўз мурожаатида.
Аввалроқ Алишер Усмонов Европа Иттифоқининг Россияга қарши санкциялари рўйхатига тушгани ҳақида хабар берилганди.
Маълумот учун, Алишер Усмонов 2008 йилдан бери ушбу халқаро ташкилотни бошқариб келаётганди. У FIE’га 2012, 2016, ва 2021 йилларда қайта сайланган.
Манба: daryo.uz