Самбо. ЖЧдаги медалларимиз сони 7 тага етди

Қозоғистонда самбо бўйича катталар ўртасида ўтаётган жаҳон чемпионатида мамлакатимиз терма жамоаси аъзолари муваффақиятли иштирок этмоқда.

Кеча жаҳон чемпионатининг иккинчи кунги беллашувларида 9 та вазн тоифасида ғолиб ва совриндорлар аниқланди. Муросасиз беллашувлар натижасида самбочиларимиз 1 та олтин, 3 та кумуш медалларга сазовор бўлди.

Ўзбекистон терма жамоаси аъзоларидан Шаҳзода Азатова — 59 килограммда жаҳон чемпиони унвонига сазовор бўлган бўлса, Сардор Олимжонов — 64 килограммда, Озодбек Муротов — 98 килограммда ва Мавлуда Абдуллаева — 80 килограммда кумуш медалларни қўлга киритди.

Терма жамоамизнинг умумий совринлари сони 2 та олтин, 5 та кумуш медални ташкил этмоқда.

Бугун, 10 ноябрь куни мусобақанинг сўнгги кунида самбочилар 10 та вазнда кечадиган курашларда гиламга чиқади.