Теннис. Тэйлор Фритц ATP рейтингида юқорилади

Бугун профессионал теннисчилар Ассоциацияси (ATP) ҳафталик янги рейтингни эълон қилди.

Дунё теннисчиларининг Топ — 10`талигида иккита ўзгариш кузатилди. Йилнинг Якуний ATP турнирида финалга қадар етиб борган америкалик Тэйлор Фритц 4-ўринга кўтарилиб олди.

Россиялик Даниил Медведев аксинча, 5-поғонага тушди. Норвегиялик Каспер Рууд ва сербиялик Новак Жокович ҳам ўзаро ўрин алмашиб олишди. Якуний турнир чемпиони Янник Синнернинг пешқадамлик очколари 12 000 га яқинлашди.