Бугун оғир атлетикачиларимиз жаҳон чемпионатидаги иштирокини бошлашади

Баҳрайннинг Манама шаҳрида оғир атлетика бўйича жаҳон чемпионати қизғин давом этмоқда. Бугун унда қатнашаётган Ўзбекистон терма жамоаси аъзолари иштирокларини бошлашади.

Маълум қилганимиздек, кун давомида ҳамюртларимиздан Шаҳлохон Абдуллаева ҳамда Муҳаммадқодир Тоштемиров супачага чиқади. Шаҳлохон — 64 кг вазн тоифасидаги қизлар баҳсида «В» гуруҳида қатнашса, Тоштемиров — 81 кг вазн тоифасидаги эркаклар ўртасида «А» гуруҳида медаллар учун кураш олиб боради. Бўлажак баҳсларда барча юртдошларимизга омад тилаймиз!

Манба: Olympic.uz