U-17 Жаҳон чемпионатининг саналари маълум қилинди

ФИФА президенти Жанни Инфантино 2025 йил Қатар майдонларида ўтказиладиган U — 17 Жаҳон чемпионатининг аниқ саналарини маълум қилди.

Унга кўра, ўсмирлар ўртасидаги мундиал бош соврини учун кураш 2025 йилнинг 5–27 ноябрь кунлари бўлиб ўтади.

Эслатиб ўтамиз, ФИФА U — 17 Жаҳон чемпионатига 2025 йилнинг апрель ойида Саудия Арабистони мезбонлик қиладиган U — 17 Осиё кубогининг энг яхши 8 та терма жамоалари йўлланма олади.