Республика Олимпия ва Паралимпия спорт турларига тайёрлаш марказида 2024 йилнинг энг яхши пара спортчилари ва мураббийлари эътироф этилди

Республика Олимпия ва Паралимпия спорт турларига тайёрлаш марказида йил якунлари муносабати билан муассасадаги энг яхши мураббий ва ўқувчиларни тақдирлаш маросими ўтказилди. Тадбирда Спорт вазирлиги ва Миллий паралимпия қўмитаси раҳбарияти иштирок этди.

Унга кўра, Паралимпия йўналишида қуйидагилар эътироф этилди:

“Йилнинг энг яхши Паралимпия мураббийи” — Фурқат Рейимбаев (пара пауерлифтинг);

“Йилнинг энг яхши эркак пара спортчиси” – Исломжон Тўхтабоев (пара дзюдо);

“Йилнинг энг яхши аёл пара спортчиси” – Руҳшона Ўктамова (пара пауерлифтинг).

Шунингдек, Миллий паралимпия қўмитаси матбуот котиби Малика Муродова Марказ фаолиятини оммавий ахборот воситаларида кенг ёритиб келаётгани учун “Йил ҳамкори” номинациясида эътироф этилди.