Россиялик чанғи устаси фарзандли бўлгач, илк турнирида ғолиб бўлди
Чанғи эстафетаси бўйича Олимпия чемпиони Наталя Терентьева Москва вилоятида бўлиб ўтган «Красногорск тоғ-чанғи йўли» Бутунроссия мусобақасида эркин спринтда биринчи ўринни эгаллади.
Финалда у 3 дақиқа 5,95 сония натижа кўрсатди. Дариа Бобкова иккинчи (3,08 сония ортда), Екатерина Шибекина (+3,42) учинчи ўринни эгаллади.
Август ойида қиз фарзандли бўлган Россия терма жамоаси етакчиси учун бу фаолиятини қайта бошлаганидан кейинги илк ғалабаси бўлди. Ўтган ҳафтада 29 ёшли Терентьева Кирово-Чепецкда (Киров вилояти) Россия кубоги босқичида 5 км масофага югуришда еттинчи бўлганди.
Терентьева Пекин Олимпиадасида эстафетада олтин, скиатлонда кумуш ва жамоавий спринтда бронза медалини қўлга киритганди.
2018 йилги ўйинларда ҳам эстафетада бронза медалини қўлга киритди.