[ sport ] 30 Dekabr 2024
Биатлон бўйича собиқ жаҳон чемпиони вафот этди
1973 йилда эстафета бўйича жаҳон чемпиони, Транс-Байкал ўлкаси биатлон федерацияси президенти Геннадий Ковалёв 80 ёшида вафот этди.
Американинг Лейк-Пласид шаҳрида ўтказилган жаҳон чемпионатида Ковалёв 4х7,5 км эстафетада олтин, 20 км масофага яккалик пойгада кумуш медални қўлга киритди.
Ковалёв ўз спорт фаолиятини 1964 йилда бошлаган, 1970–1975 йилларда СССР терма жамоаси аъзоси бўлган ва 1972 йилда Саппорода бўлиб ўтган Олимпиадада қатнашган.
2000-йилларда у олимпия захиралари болалар ва ўсмирлар мактабида мураббий, сўнгра директор бўлди.