Теннис. Рублёв Гонконгдаги турнирда чемпионликни ҳимоя қила олмади

Россиянинг иккинчи ракеткаси Гонконгдаги турнирнинг 1/8 финалида мағлуб бўлди.

Андрей Рублёв биринчи рақамли теннисчи сифатида турнирдаги ўйинини иккинчи даврада бошлади ва у венгриялик Фабиан Марозанга (рейтингда 58-ўрин) 5:7, 6:3, 3:6 ҳисобида имкониятни бой берди.

Рублев Гонконгда Карен Хачанов билан жуфтлик баҳсларида чиқишни давом эттиради — россиялик дует 4 январь куни ярим финалда ўйнайди.

Эслатиб ўтамиз, ўтган йили Андрей ушбу турнирда ғалаба қозонган эди.