Ортиқ Ниғматов Ўмондаги мусобақада ғолиб чиқди ва гроссмейстерлик мақомини қўлга киритди

Ўмонда бўлиб ўтган шахмат бўйича «Muscat International Chess Championship 2024» мусобақасида ўзбекистолик Ортиқ Ниғматов ғолибликни қўлга киритди.

Ҳамюртимиз 9 ўйинда 8 очко жамғаришга муваффақ бўлди. Ортиқ 7 та ғалаба ва 2 та дуранг натижа қайд этиб, муҳим бўлган +13.9 рейтинг очколарини қўшиб олди.

Натижада Ниғматовнинг ФИДЕ рейтинг жадвалида баллари 2500 дан ошди ва у гроссмейстерлик мақомини қўлга киритди.