Исроил Мадримов АҚШда Ортисга қарши жанг учун тайёргарликни бошлади

Супер яримўрта вазн тоифасидаги профессионал боксчимиз, собиқ WBA чемпиони Исроил Мадримов кейинги жанги учун машғулотларга киришди.

У 22 февраль куни Саудия Арабистони пойтахти Ар-Риёд шаҳрида ташкил этиладиган бокс оқшоми доирасида WBC Interim чемпиони Вержил Ортисга қарши рингга кўтарилади.

Янги йил олдидан Америка Қўшма Штатларига етиб борган ҳамюртимиз кўплаб ўзбекистонлик боксчиларнинг «қароргоҳи» ҳисобланган Калифорния штати Индио шаҳарчасида Жоэль Диас мураббийлиги остида машғулотларга киришди.

Манба: Ўзбекистон профессионал бокс федерацияси матбуот хизмати