Теннис. Соболенко Брисбендаги турнирда ғалаба қозонди

Дунёнинг биринчи ракеткаси Арина Соболенко Брисбендаги турнирда чемпионлик унвонини ҳимоя қилди.

У финалда дунёнинг 107-ракеткаси, россиялик Полина Кудерметовага қарши кортга чиқди. 1 соат 49 дақиқа давом этган ўйинда Арина 4:6, 6:3, 6:2 ҳисобларида ғалаба қозонди.

Ушбу чемпионлик орқали беларуслик теннисчи 192 475 АҚШ доллари ишлаб олди.