Махачев Роналду ва Месси ўртасида танлов қилди

Россиялик аралаш яккакураш устаси ва енгил вазн тоифасида UFC чемпиони Ислом Махачев кимни кўпроқ ёқтириши ҳақида гапирди: Лионель Месси ёки Криштиану Роналду.

Жангчининг сўзларига кўра, у яқинда Роналдунинг Саудия Арабистонига, Мессининг эса АҚШга кўчиб ўтиши туфайли ўз фикрини ўзгартирган.

«Менимча, Роналду кучлироқ. Билмадим, инсон сифатида менга Роналду кўпроқ ёқади. Иккаласи ҳам жуда яхши ўйнашади.

Энг юқори даражада. Лекин инсон сифатида менга Роналду кўпроқ ёқади. Менга Месси ёқарди, Хабиб доим “Реал” учун, мен эса “Барселона” учун мухлислик қилардим.

Аммо ҳамма нарса ўзгарди. Месси ҳозир Майамида, Криштиану эса Саудия Арабистонида яшайди, шунинг учун Криштиану кўпроқ ёқади», — деди Махачев.