Каратечиларимиз “Серия А” мусобақасида муносиб иштирок этишди

Грузиянинг Тбилиси шаҳри мезбонлик қилган карате WKF бўйича “Серия А” мусобақаси ўз ниҳоясига етди. Ушбу мусобақада иқтидорли спортчиларимиз иштирок этишди.

“Серия А” мусобақасида спортчиларимиз 1 та олтин ва 2 та кумуш медалларга эга чиқишди. Бону Эгамбердиева олтин, Севинч Раҳимова ва Шуҳратбек Намозов кумуш медални қўлга киритди.

Маълумот учун, бу “Серия А” даги энг яхши натижамиздир. Шунингдек, ҳар бир атлетимиз жаҳон рейтинг балларини қўлга киритди. Бир қатор спортчиларимиз “Премьер лига” га ўтишга муяссар бўлди.