Жиззах вилоятида янги бокс зали фойдаланишга топширилди

31 январь куни Жиззах вилоятида яккакураш спорт турларига ихтисослаштирилган спорт мактаби бокс залининг очилиш маросими бўлиб ўтди.

Тадбирда Жиззах вилояти ҳокими ўринбосари А. Совурбоев, вилоят Спорт бошқармаси бошлиғи Ж. Ўктамов, боксчи ва мураббийлар ҳамда бошқа расмийлар иштирок этишди.

Тадбир давомида яқиндагина якунига етган катталар ўртасидаги Ўзбекистон чемпионатининг жиззахлик ғолиб ва совриндорлари ҳам Жиззах вилояти Спорт бошқармаси томонидан қимматбаҳо совғалар билан тақдирландилар.