Нодирбек Абдусатторов ва Жавоҳир Синдаров бугундан нуфузли мусобақада ўз иштирокини бошлайди

Нодирбек Абдусатторов ва Жавоҳир Синдаров дунёнинг энг кучли шахматчилари билан баҳсларга киришади. Германиянинг Вайссенхаус шаҳрида «2025 Freestyle Chess Grand Slam» мусобақаси бугундан старт олади.

Турнирда 10 нафар шахматчи иштирок этади ва унинг мукофот жамғармаси — 750.000 доллар.

Мусобақа формати:

Давра босқичи. Айлана тизимда бир шахматчи қолган ҳамма иштирокчилар билан рапид форматида беллашади ва топ — 8 иштирокчилар плей-офф босқичига йўл олади.

Плей-офф босқичида ҳар бир матч икки классик партиядан иборат бўлади. Агар 2 матч натижасига кўра ҳисоб тенг бўлса, ғолиб тайбрекда аниқланади. Вақт назорати: 90 дақиқа + ҳар бир юришга 30 сония (90+30).

Турнир таркиби билан танишинг:

GM Жавоҳир Синдаров (Ўзбекистон)
GM Нодирбек Абдусатторов (Ўзбекистон)
GM Магнус Карлсен (Норвегия)
GM Левон Арониан (АҚШ)
GM Винсент Кеймер (Германия)
GM Гукеш Доммаражу (Ҳиндистон)
GM Фабиано Каруана (АҚШ)
GM Ҳикару Накамура (АҚШ)
GM Алиреза Фирузжа (Франция)
GM Владимир Федосеев (Россия)

Манба: https://t.me/uzchess