Шахмат. Нодирбек Абдусатторов NAVI киберспорт клуби билан шартнома имзолади

NAVI киберспорт клуби уч нафар шахматчи билан шартнома имзолади.

Маълум қилинишича, Нодирбек Абдусатторов, Уэсли Со ва Александр Бортник Украинанинг мазкур киберспорт клуби сафида ўйин ўтказади.

Жамоа Chessable Masters онлайн турнирида ўз иштирокини бошлайди. Мусобақанинг мукофот жамғармаси 150 минг долларни ташкил этади.

Энг яхши кўрсаткичга эга 12 нафар шахматчи 31 июль — 3 август кунлари Ар-Риёдда ўтказиладиган Esports World Cup (Киберспорт бўйича жаҳон чемпионати)да иштирок этади. Мазкур мусобақанинг соврин жамғармаси 1,5 млн доллардан иборат бўлади.

Манба: daryo.uz