Рашид Маткаримовга Жанубий Корея университети фахрий доктори унвони тақдим этилди

Хабар берганимиздек, айни кунларда Ўзбекистон давлат жисмоний тарбия ва спорт университети делегацияси Жанубий Корея мамлакатида бўлиб турибди.

Бугун, университет ректори Рашид Маткаримов Ёнг Ин университети вакиллари билан ҳамкорлик алоқаларини мустаҳкамлаш, спорт таълими йўналишида янги лойиҳаларни ҳаётга татбиқ этиш масаласида муҳим учрашувни ўтказди.

Шунингдек, Ёнг Ин университети президенти Жин-Соо Ҳан томонидан Ўзбекистон давлат жисмоний тарбия ва спорт университети ректори Рашид Маткаримовга Ёнг Ин университетининг жисмоний тарбия фахрий доктори илмий даражаси топширилди.