Бокс. Исроил Мадримов очколар ҳисобига Ортисга мағлуб бўлди

Америкалик Виржил Ортис биринчи ўрта вазн тоифасида WBC йўналиши бўйича вақтинчалик жаҳон чемпиони унвони учун кечган жангда ўзбекистонлик Исроил Мадримовни ҳакамларнинг якдил қарори билан мағлубиятга учратди. Жанг Ар-Риёдда бўлиб ўтди.

Учала ҳакам ҳам ғалабани 26 ёшли америкаликка берди — 117:111, 115:113, 115:113.

Ортис 23 та жангда 23-ғалабасини қўлга киритди. 30 ёшли Мадримов фаолиятидаги иккинчи мағлубиятини қайд этди — 10 ғалаба ва 1 дуранг.

Манба: www.stadion.uz.