Диёра Келдиёрова дзюдо спорт клуби фаолиятини бошламоқда

Бугун пойтахтимиздаги 17-умумтаълим мактабида Париж — 2024 ёзги Олимпия ўйинлари чемпиони Диёра Келдиёрова дзюдо спорт клуби залининг тантанали очилиш маросими бўлиб ўтди.

Халқаро дзюдо федерацияси, Спорт вазирлиги, Ўзбекистон Миллий Олимпия ва Паралимпия қўмиталари, мамлакат дзюдо федерацияси раҳбарияти иштирок этган тадбир дзюдо оиласи учун ўзига хос байрамга айланди.

Тадбирда сўз олган расмийлар юртимизда дзюдо ривожи алоҳида босқичга кўтарилаётганини алоҳида таъкидлаб, ушбу дзюдо зали келгусида Диёра Келдиёрова сингари чемпионларни кашф этишини тилаб қолишди.