Бокс. Аммандаги финал жангларида Ўзбекистон-Қозоғистон тўқнашувлари

Иорданиянинг Амман шаҳрида бокс бўйича ўсмирлар ва ёшлар (йигитлар ва қизлар) ўртасида Осиё чемпионати якунига етиб бормоқда. Бугун ва эртага мусобақада финал жанглари ўтказилади. Мусобақага йўл олган 49 нафар ўзбекистонлик спортчилардан нақ 35 нафари финалгача етиб келишди.

Бу борада Қозоғистон делегацияси иккинчи бўлди. Уларнинг 27 нафари олтин медаль учун жанг қилишади. Финалда 17та Ўзбекистон-Қозоғистон дуэлига гувоҳ бўламиз. Ҳиндистон эса финалда 26 нафар боксчи билан иштирок этади.

Осиё чемпионатида бугун ўсмир йигит ва қизлар ўртасидаги финал жанглари бўлиб ўтади. Унда 6 нафар қизимиз ва 11 нафар ўсмир йигитимиз рингга кўтарилади. Рақибларимиздан 8 нафари Ҳиндистон, 6 нафари Қозоғистон вакили ҳисобланади.

Ўсмирлар мусобақаси, финал жуфтликлари.

Қизлар. 16:00
46 кг. Жасмин Тоҳирова (Ўзбекистон) — Мани Сивач (Ҳиндистон)
48 кг. Зилолахон Юсуфова (Ўзбекистон) — Палак Ажай Замбаре (Ҳиндистон)
52 кг. Раҳима Бекниязова (Ўзбекистон) — Якшика (Ҳиндистон)
54 кг. Узукжамол Юнусова (Ўзбекистон) — Суприя Деви Токчом (Ҳиндистон)
70 кг. Ойша Тоирова (Ўзбекистон) — Роксолана Валиева (Қозоғистон)
80+ кг. Собирахон Шаҳобиддинова (Ўзбекистон) — Ниржара Бана (Ҳиндистон).

Йигитлар. 21:00
48 кг. Илҳомжон Эргашев (Ўзбекистон) — Рави Саини (Ҳиндистон)
50 кг. Самандар Олимов (Ўзбекистон) — Эмир Қиличбеков (Қирғизистон)
52 кг. Суннатилла Ўктамалиев (Ўзбекистон) — Айдар Қадирхан (Қозоғистон)
54 кг. Мироншоҳ Норқосимов (Ўзбекистон) — Танапхансакон Каласирам (Таиланд)
57 кг. Фаррух Тўлаганов (Ўзбекистон) — Торехан Сабирхан (Қозоғистон)
60 кг. Мирзакамрон Юнусов (Ўзбекистон) — Яшвардан Сингх (Ҳиндистон)
63 кг. Ҳожиакбар Қудратов (Ўзбекистон) — Аҳмет Усен (Қозоғистон)
70 кг. Жаъфарбек Шаҳбозов (Ўзбекистон) — Фарис Иброҳим (Иордания)
75 кг. Темурбек Абдуваҳобов (Ўзбекистон) — Муҳаммад-Али Жанболат (Қозоғистон)
80 кг. Раҳмонжон Қодиров (Ўзбекистон) — Ришаб Сингхсикарвар (Ҳиндистон)
80+ кг. Озодбек Алиев (Ўзбекистон) — Аслан Елдибайули (Қозоғистон)

Манба: stadion.uz